CAPÇALERA2: AMICS DE JORNALET

Jornalet, gaseta occitana d'informacions

Dimenge, 22 d'octòbre

Actualitats

Dijòus, 18 de mai de 2017, 03h00 Societat,Politica

Lengadòc > Lengadòc Bas > Costiera de Nimes

Polemica per l’incorporacion d’una torera sus las listas electoralas de Macron

La nominacion de Marie Sara per la 2a circonscripcion de Gard (Costièra de Nimes) a provocat de criticas contra lo president per aver causit una persona que “tortura” e “executa” d’animals


Comentaris 7 comentaris    
Marrit Flac Bon Plan bon Fabulós (7 vòtes)
carregant En cargar


L’incorporacion de Marie Sara, una celèbra torera nimesenca, sus las listas del partit de Macron per las eleccions legislativas a levat la polemica. Sara es cap de lista de la 2a circonscripcion de Gard (aperaquí la Costièra de Nimes), qu’es una de las doas unicas circonscripcions qu’ara son a las mans del Front Nacional. De fach, segon Marie Sara, foguèt lo quite Macron que li demandèt d’intrar en politica per “defendre lei valors dau territòri e combatre la sorniera dau Frònt Nacionau”.
 
La nominacion de la torera a provocat las protèstas dels animalistas qu’an criticat Macron d’aver mes sus una lista una persona que “tortura” e “executa” d’animals. Dins un article fòrça dur publicat dins Libération, lo jornalista Aymeric Caron explica al nòu president francés çò qu’es la corrida:
 

“Alavetz, agachatz tornarmai d’imatges de corrida, se o avètz pas jamai fach. Observatz la lança del picador que talha los ligaments de la nuca per que l’animal baisse lo cap, aquela lança qu’insistís e que torna. Vejatz las banderilhas coloradas que contunhan l’obratge en esquinçant la carn. L’animal agoniza dins l’incompreneson de çò que patís, mentre que lo public exulta. Al bot d’un tròp long quart d’ora, l’espasa s’enfonza puèi entre las espatlas del supliciat, plusors còps se necessari, e un ponhal dins lo crani l’acaba se refusa de morir. Sembla qu’aquò es d’art, una metafòra de la mòrt, lo combat de l’òme contra sa pròpria animalitat, o una craca del genre.”
 
Enfin, dins l’article, Caron exigís una substitucion de la candidata, “es encara temps de la remplaçar”, çò precisa en assegurant que “de milions de franceses espèran un tal gèst” del president.
 
“La corrida serà abolida un jorn. Saique seretz pas vos lo president que se’n poirà enorgulhir. Mas siatz pas, almens, lo que l’aurà tornada metre al lum”, çò conclutz.
 
En mai d’aquò, s’es lançada una peticion en linha sus Change.org contra l’investidura de la torera.
 
Nascuda dins la region de París amb lo nom de Marie Leconte Bourseiller, Marie Sara venguèt una afogada de la corrida a 16 ans, e desvolopèt sa carrièra de torera a Nimes a partir de 1991.
 
 


abonar los amics de Jornalet
 



publicitat



Comentaris

19 de mai 15.13h

#6 Bonas novèlas, aquò! Mercés!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

19 de mai 04.40h

#1 Sus Catalonha Nòrd cal nuançar. Dempuèi dos ans i a pas pus de corridas a Cotlliure. Demòra pas que Ceret e Millars. E la feria de Millars es a pèrdre de succès pauc a cha pauc. Sens lo Borquin se pòt que la "tarde" de novilhada dure pas gaire.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

18 de mai 20.44h

Acò rai, que ninguen la voti . S'ha de votar pas als torturadors e torturadoras.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

18 de mai 17.33h

#1 Mèma los Nadau que jògan en totas las "ferias", la societat Pernod-Ricard que promòu en mème temps la corrida e ua identitat "du Sud"... be cranhi qu'ajas rason.

çò qui poderé cambiar las causas e las mentalitats qu'ei de har pression sus l'Euròpa tà qu'arreste de subvencionar la corrida : qu'ei ua industria qui viu "devath perfusion", coma plan d'autas.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

18 de mai 12.05h

Bon, lo casting dels candidats En marche...Lo solet ponch positiu es que per se batre contra lo FN Collard, aver la practica de correr darrier de gròs buòus li pòt ajuar.


Valoriza aqueste comentari:   votar positiu 17   votar negatiu 11
Respondre comentari replica Comentari inadeqüat   Formulari d'abús de comentari

18 de mai 09.44h

• https://www.change.org/p/contre-l-investiture-de-marie-sara-r%C3%A9p-en-marche-dans-la-2%C3%A8me-circonscription-du-gard

• http://www.mesopinions.com/petition/politique/aux-candidatures-traditions-cruelles-envers-animaux/30227

• http://www.mesopinions.com/petition/animaux/contre-presentation-marie-sara-ancienne-torera/30256... Legir mai


Valoriza aqueste comentari:   votar positiu 10   votar negatiu 7
Respondre comentari replica Comentari inadeqüat   Formulari d'abús de comentari

18 de mai 07.58h

Segur qu'aquò desagrada a fòrça monde, mas pensi qu'aquò agrada a mai de monde encara. La corrida a l'andalosa es tristament venguda un simbòl identitati en d'unas parts d'Occitània e tanben en Catalonha Nòrd.
La nòrd catalanitat e d'unes pans de l'occitanitat an fait sieuna la corrida.

Marca segurament una alienacion cada còp mai implacabla e la severitat de la non reüssida de l'occitanisme a èsser la dinamica centrala de país occitan


Valoriza aqueste comentari:   votar positiu 20   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Jornalet: libre d’estil dobèrt

S’es agut dich que Jornalet es un dels còrpus textuals en lenga occitana mai importants del sègle XXI, per la varietat dels subjèctes tractats, pel modèl de lenga emplegat ...
giny

Lo temps

Mapa
  • sol Agen 18 7
  • nuvols Aush 18 8
  • sol Bordèu 19 8
  • sol Briançon 7 1
  • sol Caors 18 7
  • nuvols Carcassona 16 8
  • nuvols Clarmont-Ferrand 13 9
  • sol Confolent 14 8
  • sol Gap 16 5
  • sol La Canau 19 8
  • nuvols La Gàrdia 14 7
  • sol La Torre de Pèlitz 21 9
  • sol Limòtges 14 8
  • sol Lo Borg Sant Dalmatz 22 8
  • nuvols Lo Puèi de Velai 11 7
  • nuvols_parcials Marselha 19 11
  • sol Montpelhièr 21 13
  • nuvols Naut Aran 17 7
  • sol Niça 13 3
  • sol Nimes 21 13
  • nuvols Pau 18 9
  • sol Peireguers 16 9
  • nuvols Rodés 15 6
  • sol Tolon 21 10
  • nuvols Tolosa 18 8
  • nuvols Valença 12 8

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Niça vièlha en occitan niçard. © LR

    Niça vièlha en occitan niçard

  • Coserans: Sent Líser, Casavèth, Sent Guironç, Saurat...

  • La grépia que fasèm cada an a l'ostal Sirventés, sèti de la seccion d'Aude de l'Institut d'Estudis Occitans. © Mirelha Braç

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Fòrt Maginòt de Sant Anhe

  • © Franc Bardòu

    Coserans al còr

  • País de Rasés. © Franc Bardòu

    País de Rasés

  • Val d'Aran, cap de Gasconha

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Val d'Aran, cap de Gasconha

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Niça vièlha en occitan niçard. © LR

    Niça vièlha en occitan niçard

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Coserans al còr

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Menton, 'a vivaroalpenca maritima

  • Era còlha dera ADÒC ath trabalh

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Val d'Aran, cap de Gasconha

  • Valadas. © Xavi Gutiérrez Riu

    Valadas

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Creses que los mèdias en occitan son necessaris a la recuperacion de la lenga?


88%



4%



1%



4%



1%




Vots 68 vòtes

comentaris 3

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)