Actualitats
Los cinc primièrs ministres nordics se trufan de la fòto de Trump amb Al Susi e lo rei Salman
Los primièrs ministres d’Islàndia, Norvègia, Suècia, Finlàndia e Danemarc se faguèron una foto semblabla per tal de revendicar las valors de la sostenabilitat
La setmana passada, la fòto de Donald Trump amb lo president egipcian, Abd Al Fattah Al Sisi, e lo rei Salman de l’Arabia Saudita faguèt lo torn del Mond. Los tres dirigents se faguèron retraire amb las mans sus un glòbe que brilhava dins l’encastre de l’inauguracion del Centre Global pel Combat contra l’Ideologia Extremista, inaugurat curiosament dins la capitala Saudita. L’imatge generèt un fum de memes e de comentaris suls rets socials, mai que mai perque lo lum que lo projectava lo glòbe fasiá venir estranhas las minas dels tres caps. Fòrça comentators disián que Trump semblava Hydra, lo marrit dins l’univèrs de Marvel qu’ensaja de dominar la planeta.
L’imatge a agut de milièrs de replicas. De soslinhar la que publiquèron diluns passat los primièrs ministres d’Islàndia, Norvègia, Suècia, Finlàndia e Danemarc. Los caps nordics se faguèron a Bergen (Norvègia) una fotografia semblabla, amb un balon de fotbòl. Puèi la primièra ministra norvegiana expliquèt sus Facebook, net e clar, la tòca de l’imatge:
L’imatge a agut de milièrs de replicas. De soslinhar la que publiquèron diluns passat los primièrs ministres d’Islàndia, Norvègia, Suècia, Finlàndia e Danemarc. Los caps nordics se faguèron a Bergen (Norvègia) una fotografia semblabla, amb un balon de fotbòl. Puèi la primièra ministra norvegiana expliquèt sus Facebook, net e clar, la tòca de l’imatge:
“Qual comanda dins lo Mond, Riyad o Bergen? Sabi pas çò que pensavan los de l’autra fòto mas sus la nòstra los cinc ministres sostenèm ensems un balon de fotbòl en pensant a las valors de la sostenabilitat. Avèm l’espèr que i aja un camin de futur”.
"Everyone grab on to the cosmic sphere. It's much better than a cosmic cube...believe me!" (HT @PresVillain) #HailHydrapic.twitter.com/7jKLQIdXRt
— Ben Gross (@bhgross144) 21 de maig de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qualsevol causa que fassa Tramp es mal contada per la premsa imperiala anti Russa, que voldria continuar fent la guerra contra els aliats de la federacion Russa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari