Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheBorbonésLimanha Borbonesa

Brujat: lo camping coquin fonciona amb grand succès

France Bleu consagra un reportatge al primièr camping libertin del país

| Christelle Robin
Lo primièr camping libertin d’Occitània ten un grand succès a Brujat, en Limanha Borbonesa. Apelat La Roseraie (lo jardin de ròsas), s’agís d’un curiós campament de vacanças pels adèptes del libertinatge. Lo sit dobriguèt las pòrtas fa tres ans e fonciona totjorn amb fòrça vam, çò rapòrta France Bleu.
 
Lo camping es dobèrt a totòm a partir de 21 ans e las règlas principalas son l’igièna, la confidencialitat e la seguretat. Cada òste a un braçalet que segon sa color permet de far conéisser se cèrca un òme, una femna o de parelhs.
 
Lo sit a 80 emplaçaments per tendas, camping-cars, caravanas, e tanben i a de bungalows coma dins quin camping que siá. Puèi i a los espacis de vida comuna: una piscina e tres grands lièches per coquinar, tres bungalows de tela amb de taula de massatges, una pista de dança amb una gàbia e un lièch “Gang Bang” per las orgias de 7 mètres de long sus 2,5 mètres de larg.
 
Tanben i a una prada coquina e un petit bòsc coquin amb un canton BDSM de la crotz de Sant Andrieu e d’autras installacions per practicar de jòcs sadomasoquistas en plena natura.
 
Las personas que pòrtan pas lo braçalet son expulsadas. En mai d’aquò, de coquinar es pas una obligacion mas simplament una possibilitat.
 
Segon lo reportatge de France Bleu, lo 40% dels clients venon dels Païses Basses. Los vacancièrs i pòdon restar o i anar sonque passar la jornada. De fach, se ditz que la demanda es talament granda que i a de mond que van cada jorn al sit mas que se lòtjan dins d’ostalariás de l’entorn per manca de plaça.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
13.

Açò existís pas per aquí, de maniera tan visibla e bona de trobar. O almanco fa una ans.

  • 1
  • 0
Cédric Rousseu Toulouse, capitale de la province française d\'Occitanie
12.

Se parla de coquelinar e de causas calhòlas e i'a de monde que parlan "linguistica"...
Un jorn los occitanistas seran mai cunilinguistes que non pas "koïnélinguistes" e lo plazer tirar la frustracion... Es d'esperar

  • 3
  • 0
Quentin Caors
11.

#10 Ah ah l'ai legit ièr aquò !
Patrick SAUZET dins Occitan Plurals: A Case For A Morpheme Based Morphology
----------------------------------------------------------------------------------------------------------------
Some such words, however, have been integrated into popular use and have undergone changes which suppress the offending cluster: French catéchisme ‘catechism’ is realized as [kate ȶˈime] or becomes catechirme [kate ȶˈ irme] (the learned Occitan form would be catequisme, and the learned pronunciation allows for the realization of [katekˈizme])
----------------------------------------------------------------------------------------------------------------
p14 https://hal.archives-ouvertes.fr/hal-00990693/document

  • 1
  • 0
Dautrina
10.

#8 La forma a l'encòp populara e condrecha seriá pas "catechisme" puslèu que "catequisme", qual sap ?

  • 0
  • 0
Quentin Caors
9.

Mercés ^^
Es ben lonh lo catequisme xD

  • 2
  • 0

Escriu un comentari sus aqueste article