Bandièra01 1180x150: Comuna de Tolosa

Actualitats

La Talvera publica lo Turlututú 2 amb de cançons e comptinas pels enfants

Vint ans après la sortida del Turlututú 1, lo grop albigés de musica ne publica una segonda edicion amb de novèlas cançons, comptinas e formulas en occitan

Lo novèl Turlututú de La Talvera sortirà d’aicí a la fin del mes d’octòbre. La segonda edicion d’aquel album conten mai de 40 cançons, comptinas e formulas en occitan pels enfants d’Occitània e d’endacòm mai.
 
Vint ans après la sortida del Turlututú 1, lo grop albigés de musica ne publica una segonda edicion amb de novèlas cançons, gaireben totas de creacions pròprias, e mai de comptinas e formulas per menar los petits al mond dels sòmis e de l’imaginari dins la lenga del país. En mai d’aquò i a una trentena de versions instrumentalas.
 
L’album presenta un libre religat de 112 paginas, 2 CD enregistrats de 60 minutas cadun. Las illustracions son de Coline Trubert.
 
Lo Turlututú 2 se pòt comandar en linha sul sit de La Talvera, que prepausa tanben qualques extraches sonòrs.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article