Cinc enfants mòrts e 18 personas feridas dont 15 enfants es lo tragic bilanç de l’accident que visquèt dijòus passat la vila de Millars (Catalonha). Un tren TER de l’SNCF de la linha de Perpinhan – Vilafranca de Conflent acipèt un autobús escolar quand passava per un passatge a nivèl entre Millars e Sant Feliu d’Amont.
 
La prefectura dels Pirenèus Orientalas qualifiquèt la tragèdia d’accident ferroviari “grèu”. Lo prefècte Philippe Vignes expliquèt que quatre menors èran mòrts e que i aviá vint e quatre ferits grèus, dont vint e un viatjavan dins l’autobús e tres dins lo tren. Pus tard, lo jornal L’Indépendant raportava que doas filhetas d’11 ans moriguèron a l’espital a causa de lors feridas. En fin lo bilanç oficial es de cinc mòrts.
 
La presidenta de la region administrativa, Carole Delga, anèt sus plaça. “Fàcia a la violéncia d’aqueste drama, l’ora es aqueste ser a la compassion e a la solidaritat envèrs las victimas, los nafrats e lors familhas”, çò diguèt sus Twitter.
 
Quand al president de la Generalitat de Catalonha en exili, Carles Puigdemont, mostrèt tanben sus Twitter sa “solidaritat e son afeccion per las familhas de las victimas” e mostrèt tot son “sosten a la consolessa màger Damienne Beffara”.
 
De son caire, lo president de França, Emmanuel Macron, escriguèt sus Twitter: “Totas mas pensadas per las victimas d’aquel terrible accident d’un bus escolar e per lors familhas. La mobilizacion de l’estat es totala per lor portar socors”.
 
Enfin, la ministra francesa de la santat, Agnès Buzyn, confirmèt que “totes los mejans de l’estat [èran] mobilizats”, del temps que manifestava son “emocion fòrça viva” e adreiçava tot son “sosten a lors familhas e pròches”.

 
 
 

De Cahors je me rends en ce moment sur les lieux de l'accident à #Millas avec le Premier Ministre, où les secours font le maximum. Face à la violence de ce drame, l'heure est ce soir à la compassion et à la solidarité à l'endroit des victimes, des blessés et de leurs familles.

— Carole Delga (@CaroleDelga) 14 de desembre de 2017

 

Colpit per les terribles notícies que ens arriben de #Millars. La meva solidaritat i afecte pels familiars de les víctimes, i el meu suport a l'alcalde Damienne Beffara

— Carles Puigdemont (@KRLS) 14 de desembre de 2017

 

Toutes mes pensées pour les victimes de ce terrible accident d’un bus scolaire et pour leurs familles. La mobilisation de l’État est totale pour leur porter secours.

— Emmanuel Macron (@EmmanuelMacron) 14 de desembre de 2017

 

Très vive émotion au sujet des enfants victimes de l'accident à #Millas. J'adresse tout mon soutien à leurs familles et à leurs proches.

Tous les moyens de l'État sont mobilisés pour les prendre en charge et secourir en urgence les blessés les plus graves.

— Agnès Buzyn (@agnesbuzyn) 14 de desembre de 2017