Bandièra01 1180x150: Comuna de Tolosa

Actualitats

crotz-tolosaCreated with Sketch.Provença

Càmbian lo nom de la region de Provença

En li disent “Region Sud Provença-Alps-Còsta d’Azur”, vòlon que l’acronim “PACA” desaparesca en favor de “Region Sud”

| Renaud Muselier
La region nomenada fins ara “Provença-Alps-Còsta d’Azur” s’apelarà desenant “Region Sud Provença-Alps-Còsta d’Azur”, segon una decision adoptada pels elegits del Conselh regional divendres passat, 15 de decembre.
 
La marca serà depausada a l’Institut de la Proprietat Industriala de l’estat francés, e figurarà a partir de 2018 sus totes los documents e supòrts de l’institucion regionala.
 
Sus Twitter, lo president de la region, Renaud Muselier, se felicitava d’aquel cambiament. “Suportavi pus l’acronim PACA que vòu ren dire”, çò disiá. 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Unitat de Reanimacion Intensiva del CHU
26.

#22 Aprèp un viatge de quaranta-e-cinc ans a las confinhas del sistèma solari l'astronaute que sètz ven tot bèl just de tornar sus Tèrra e d'arribar al nòstre. Ben tornat a l'ostal, companh ! Aprendràs que malaürosament las causas an plan cambiat dempuèi que partiguères al mitan de las annadas setanta. A la debuta aquò fa totemps estranh de se trapar fàcia a una realitat d'a fons desparrièra de çò qu'èra. Que i-a totjorn un temps d'adaptacion dolorosament crudèl al mond actual. Comprenem plan, l'òme !

  • 6
  • 0
Felip Martèl Montpelhier
24.

#22 Avètz ren comptés. Parlo dau Conselh regionau de PACA, pas dels "provençaus" nimai dels occitanistas provençaus. Ni los uns ni los autres an ges de poder sus las decisions de Muselier sus lo nom de PACA. Naturalament, se siatz capable, vos de far compréner a Muselier qu'a intégrés a parlar d'Occitania orientala, félicitations, anatz -i, ne'n tornarem puèi parlar.

  • 9
  • 0
Matieu Castel Marselha
23.

#22 Ai jamai parlat de "los qu'an balhat lo nom d'Occitània a una region administrativa francesa" sus d'aquel article, encara mens ai dich qu'èra sa "fauta" (de qu'es lo rapòrt ? )

Quora sortètz d'elucubracions gigantassassas e que desvalorisètz l'accion dei nombrós actors occitanistas de Provença, auriam pas lo drech de vos venir respòndre ?

Per quant a mon engatjament occitanista, aquò me concerna. Ai au còp lo drech de pertatjar en ren vòstra analisi e lo drech de venir aicí comentar. Lèu vos faudrà un certificat de bòn occitanisme sometut ai vòstreis idèas per venir aicí charrar ò donar son avejaire ?

  • 11
  • 0
Raimon
22.

#19 e be que vòls que te diga, aquò's ton problèma. S'as pas enveja de reïvindicar un estacament al concèpte d'Occitània, te regarda, mès cerca pas d'excusa en díser qu'es la fauta de los qu'an balhat lo nom d'Occitània a una region administrativa francesa manifestament en granda part occitana. Se los que demòran en Provença se senstissan "Provençaus", s'an enveja d'apelar la lenga vernaculara qu'emplegan "provençau"puslèu qe "occitan de provença", se vòlen per nom "PROVENCE" per lor region, e be ganharàn de temps en dintrar dins le "collectiu Provença" au lòc de vienir discutir sul forom d'un media occitanista.

  • 0
  • 12

Escriu un comentari sus aqueste article