Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaLanas e LabritMaremna

Mobilizacion entà sauvar lo lac d'Òssagòr

Oficiaument, l’operacion que deu perméter de har batèu de vela dab l’aiga baisha o enqüèra de facilitar lo passatge deus ostreicultors, mès segon Noutous seré sustot un desastre ecologic

Mobilizacion sociau, dab ua peticion qui vien d’arribar en linha. Qu’ei l’associacion Noutous qui la perpausa, entà premunir lo lac d’Òssagòr de l’agression deu curatge intensiu qui miaça l’environament locau, tanplan com l’economia. Oficiaument, l’operacion que deu perméter de har batèu de vela dab l’aiga baisha o enqüèra de facilitar lo passatge deus ostreicultors. “Non!”, que respon l’associacion, segon qui lo projècte e seré sustot un desastre ecologic.
 
Un dossièr sancèr qu’ac muisha plan, dab elements istorics com scientifics, que los politics engatgats ne vòlen considerar.
 
Ua prumèra campanha de mobilizacion l’an passat que miè lo prefècte a estancar lo projècte de curatge previst au mes d’octobre passat. Adara que s’i cau tornar, que trobaratz sus noustous.fr un resumit de l’ahar, dab tanben un hèra bon vidèo explicatiu de Didier Tousis.
 
 
 
 
Joan-Nadau Commeres
 
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

S' es un lac petit melhor que lo deissen far coma està, e las barquetas que s'envajan a emprenhar a un altre loc.

  • 0
  • 0
Lo raiòu País cevenòu
3.

#2 Erosament qu'espelisson de'n pertot per nòstre planeta d'alternativas economicas, agricòlas, collectivas que considèron la produccion de bens, de richessas d'un biais autre que non pas l'utilizacion egoïsta, desmesurada e fòla de las ressorças, ce qu'a per consequenças l'asserviment (enjusca a la mòrt) de tot aquò viu aiçaval.
Los politicians saràn ben oblijats quauque moment de préner en compte aquel movement siau, silenciós mès mondiau que vai s'enracinant dinc la societat, amai au pus bas de l'escala sociala dinc certans país. Lo monde son a se reapropriar lo poder d'un decidar e d'un gerir collectiu.

A despart d'aquò, polit mòt, "adalit" : aquò tinta bien. Mès me sembla que son sens es lo contrari de ce qu'avètz volgut dire aicí, non ?

  • 2
  • 0
Mika Etchebehère
2.

Tant que serà possible d'amolonar moneda a qui mai pòt sense cap limit, sempre ne trobaretz e pro adalits, de pro cupid per vos far préner luna per solelh e o sacamandar tot per fin de s'enriquir viste fait e plan fotut.

  • 3
  • 0
Joan Francés Blanc Estrasborg
1.

La destruccion deu país non s'estanca pas, ailàs.

  • 4
  • 0

Escriu un comentari sus aqueste article