Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tolosa aculhís un centre d'ensag d'Hyperloop

L'anciana basa aeriana de Hranccasau s'alestís per aculhir d'ensages del tren del futur

L’anciana basa aeriana de Tolosa Hranccasau aculhís ara lo centre d’ensag Hyperloop Transportation Technologies, la societat estatsunidenca qu’aculhís lo tren del futur. Un mejan de transpòrt public que superarà los 1100 km/h gràcias a una tecnologia revolucionària que propulsa lo tren amb la fòrça magnetica de grands aimants.

 

Los trabalhs d’amainatjament comencèron a la fin de febrièr. Èran comandats per una còla estatsunidenca, qu'ara, al començament de març, l'a relevada una còla operacionala d'uèch personas, çò rapòrtaLa Dépêche.

 

Lo sit de Hranccasau aculhís dos projèctes d'Hyperloop. D’un latz, la realizacion d’una pista d’ensag provisòria de 320 mètres de long que serà operacionala a la fin de 2018; puèi, a comptar de novembre que ven, se bastirà una pista d’un quilomètre montada sus de pilons de près de sièis mètres de nautor.

 

Lo sit ten lo sosten de l’estat, de la comuna de Cunhaus e de Tolosa Metropòli, qu’assegurarà tanben la fasa de despollucion quimica e pirotecnica.

 

 

Hyperloop, qu’es aquò?

 

L’Hyperloop es un tren de levitacion magnetica que despassa los 310 km/h. Propulsat per la fòrça d’aimants, atenguèt en agost passat los 310 km/h dins son segond ensag realizat a Las Vegas, una chifra espectaclosa mas encara luènh de l’objectiu dels 1100 km/h previstes per la version finala d’Hyperloop One. 

 

Hyperloop es promogut per Elon Musk, fondador de la societat Space X e de las veituras electricas Tesla.


 
 

 
 


abonar los amics de Jornalet
 
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
6.

#5 Patrici, non pas "Patric": perdon! :-)

  • 1
  • 0
Gerard Joan Barceló Pèiralata
5.

La Wikipèdia occitana prepausa aquel toponim, en seguida de l'obratge de Patric Pojada:

https://oc.wikipedia.org/wiki/Hranccasau

  • 1
  • 0
Enric Mala Tèsta
4.

Hranccasau ? Perqué pas Arranc Casau, tant que i sètz ? En Gasconha tolosana, disèm Franc Casal, e en francés, se diriá "Jardin libre". Perqué inventar necitges linguistics coma aqueste ? Apòrta pas res a l'informacion, e falsifiqueja la lenga…

  • 1
  • 4
Triconet peirigòrd
3.

#2 Jornalet «colabo» ? E de qué mai ? Ieu mercegi Jornalet de me far saure qu'Occitània es estada causida per aculhir una entrepresa de tecnologia avançada. Que siague multinacionala o autra, lo saure-far que se i vai desvelopar me sembla bon de prene per bastir nòstre pais de doman, e quitament ne tirar un pauc de fiertat.

  • 4
  • 0
lachaud
2.

Una colonisacion d'una multinacionala americana? Es per aquò que chau barrar los services publics frances?
De mai en mai, senta que Jornalet portara dins quauquas annadas, lo nom de colabo au nom de la neutralitat dins la gestion de Franca!

  • 0
  • 9

Escriu un comentari sus aqueste article