Se tendrà del 26 de mai al 2 de junh la quatrena edicion del festenal Balad’òc Tula, qu’après lo succès de las annadas precedentas, arriba amb mai de vam que jamai. Es un festenal de cultura occitana que lo mena a bon tèrme una còla dinamica al dintre de la comuna amb la collaboracion d’associacions de lenga e cultura occitanas, e de las escòlas e dels licèus e collègis del país.
 
Lo 26 de mai l'eveniment l’inaugurarà una conferéncia de Micheu Chapduelh a Maimac. Puèi lo programa se debanarà del 30 de mai al 2 de junh a Tula.
 
Lo festenal ofrís de concèrts, de cants e danças, de conferéncias, d’obradors, e i venon d’artistas de tria coma Alidé Sans, Cocanha, lo Barrut, Anem Trio, Mirabèl... De soslinhar tanben la participacion del realizaire Amic Bedel, que guidarà lo 3n festenal de projeccion-debat a l’entorn dels collectatges. En mai d’aquò, se prevei de vesitas culturalas dont una fabrica d’acordeons e, de segur, d’aperitius, de manjadreches e de repaisses e quitament d’obradors de cosina lemosina en occitan.
 
Balad’òc Tula aculhirà tanben l’exposicion “Angela e Marcela” prepausada pel CIRDÒC amb la lectura de tèxtes de Marcela Delpastre pels escolans occitanofòns de Tula e de Selhac.
 

 

fffff		fffff
	Balad’Òc Tula 2018 – Programa   Dissabte 26 de mai a Maimac   Museu Marius Vazeilles a Maimac: — 15h - Conferéncia de Micheu Chapduelh: Contes sorciers.   Dimecres 30 de mai a Tula   — De matin, intervencion d’Amic BEDEL, realizaire, au collegi Clemenceau e au liceu Edmond Perrier, per las classas d’occitan — 18h – Cinema Veo a Tula - Inauguracion dau 3n festenau en preséncia daus elegits de la region e dau territòri – Projeccions e discussions a l’entorn de collectatges de l’IEO e d’un filme d’Amic BEDEL   Dijòus 31 de mai a Tula   — Miegjorn – disnar enchantat, coma daus musicaires: repais, chants e danças dins una escòla d’a Tula. Sala de las Musicas Actualas — 19h – aperitiu e minjadrech en chançons — 20h30 – concert d’Alidé Sans (artista de la Vau d’Aran) e Cocanha (grop polifonic de femnas: chants de Lengadòc e Gasconha)     Divendres 1r de junh a Tula   — 10h – vesita comentada de la Fabrica d’Acordeons Maugein, en occitan.   Mediateca Eric Rohmer:   — 17h30 – Vernissatge de l’exposicion “Marcela e Angela” - lectura de textes per daus liceans d’a Tula, e per Claude Chabrerie, Domenja Decomps e Chloé Peureux — 18h30 – aperitiu e minjadrech — 19h30 – concert d’Olivier Pyrat e Bernat Combi emb daus textes de Marcela Delpastre     Dissabte 2 de junh a Tula   — De-matin, merchat de la gara. Passejadís, animacions en musica   Sala de l’Auselon:   — 17h – rescontres, eschambis entre diferents obradors, clubs, cafè occitan emb l’intervencion dau grop occitan Lo Barrut. — 18h – dançadís per tots – iniciacion per La Galòcha d'a Condat — 19h30 – minjadrech – petiòta restauracion sus plaça — 20h30 – Concert finau: — Collegians e liceans: presentaràn de las scenetas, de las istorietas d’aicí, etc. — Lo Barrut (grop vocau mixte de Montpelhier) — Anem Trio (musicas per dançar) Nicolas Peuch, Thomas Doornenb all, Lucia Rolet — Mirabèl (danças catalanas, lemosinas, auvernhatas, …)     Dissabte 30 de junh Associacion Lo Pueg de Las Fajas a Tula   — 14h30 – Obrador en occitan a l’entorn de la cosina lemosina.