Bandièra01 1180x150: Comuna de Tolosa

Actualitats

Mexic: l'esquèrra a amplament ganhat las eleccions

L'esquerrista Andrés Manuel López Obrador a obtengut lo 53% dels vòtes e sa prioritat serà d'eradicar la pauretat, la corrupcion e l'impunitat

| lopezobrador.org.mx
Cambiament politic en Mexic. L'esquerrista Andrés Manuel López Obrador a obtengut lo 53% dels vòtes e es elegit president del país, segon l'Institut Electoral de Mexic. Aquelas donadas son d'un recompte rapid, mas se prevei que cambiaràn pas gaire.
 
López Obrador a assegurat que sa prioritat serà d'eradicar la pauretat, la corrupcion e l'impunitat, e mai aja tanben dich que vòl entamenar una relacion d'amistat amb los Estats Units. El es lo cap de l'aliança nomenada Juntos Haremos Historia (Amassa Farem l'Istòria), e ven lo tresen candidat  elegit president sens èsser de l'egemonic PRI, lo Partit Revolucionari Institucional. 
 
Lo segond candidat mai votat es lo representant d'Endavant per Mexic, Ricardo Anaya, del temps que José Antonio Meade, del PRI, non a atench que lo 16% dels vòtes, plan luènh del 38% qu'obtenguèt en 2012 amb l'actual president Enrique Peña Nieto.
 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sinistratus Pubescens
6.

#5 Acabà’n dab las mafias qu’ei au programa d’AMLO e que cau esperar que las aflaquirà bèth drin, mes dab lo nivèu de corrupcion locau qu’ei enqüèra long lo camin.

  • 3
  • 0
francesc palma
5.

Una boníssima nova que nos ha sorprés. S'han acabat las mafias policialas, las mafias de la droga, las mafias de las màfias. A prendre pel cuol los mafiosos !

  • 1
  • 0
Pirolet
4.

Contrariament de çò que s'es dich sus qualques ràdios "de referéncia", Obrador es pas lo primièr president d'esquèrra* dempuèi cent ans. De 1934 e 1940 i aguèt Lázaro Cárdenas, del PRI, que nacionalizèt lo petròli mexican, çò que provoquèt un brava emponhada amb lo govèrnament dels Estats Units. Lo PRI es pas totjorn estat çò qu’es ara.

*Esquerra al sens larg, solide.

  • 3
  • 0
Mèfi ! 31
3.

Partit Encuentro Social, de la coalicion ganhanta.
Le PES es un partit de centre dreita, conservaire e crestian evangelista.
Ell ten l'estat de Califòrnia Bassa.
Attencion, le verm es dins le fruith !

  • 3
  • 1
Lo Jaumet
2.

E oc, lo famos Grand Ser Estat de gràcia e d'esperança ont tot pareis possible, tan coma l'eleccion de Miterrand en 81. Es aprèp qu'arriba lo desencant. Mai o mens lèu.

  • 8
  • 1

Escriu un comentari sus aqueste article