Bandièra01 1180x150: Comuna de Tolosa

Opinion

FreshRSS: gestion d’actualitat

Lo Quentin

Lo Quentin

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

Mai d’informacions
Un estandard web apelat RSS permet de s’abonar a las actualitats d’un site Internet. Gaireben totes los blògs e sites amb un espaci per las novetats ne prepausan. Es tan generalizat que cada malhum social ne prepausa tanben. Es un biais de sègre un site Internet sens aver a i accedir.
 
FreshRSS es una aplicacion web per gerir los flux RSS. Vos permet d’èsser avisat quand i a de contengut novèl suls sites que consultatz. Podètz ajustar d’etiquetas, de categorias e de filtres.
 
Tot es fach per simplificar la gestion dels flux, amb FreshRSS podètz sègre l’actualitat d’un site. Aissí optimizatz vòstra velha Internet. Amb lo sistèma de favorits òm pòt facilament tornar trobar un article que vos agradèt.
 
Çò complicat serà de montar vòstra instància FreshRSS. S’avètz pas de competéncias en gestion de servidor web, podètz trobar un albergador web que fornís FreshRSS. Per mos ensages utilizèri: https://urss.delire.party mas podètz ne trobar un autre.
 
Ara la lenga occitana: arribèt lo 22 de decembre de 2018 amb la version 1.13.0.
 
Es pas perfiècha mas trabalhi a la milhorar pauc a pauc, avètz aquí lo ligam cap a la farga logiciala: https://github.com/FreshRSS/FreshRSS
 
 




 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JCd
2.

Que hèn ua aplicacion per controtlar lo flux RSS pendent que la nosta lenga es a crebar ! Vergonha !

  • 0
  • 3
Quentin Tolosa
1.

Notatz que lo format de la data ven de la formula " xx +de+ nomDelMes" doncas davant una vocala marca mal =/ Una solution de discutir amb lo desvolopaire seriá de metre lo "de" o "d'" amb lo nom del mes, mas es pas optimal.

  • 2
  • 0

Escriu un comentari sus aqueste article