CAPÇALERA2: IEA-AALO

Jornalet, gaseta occitana d'informacions

Dissabte, 15 de decembre

Fotografias


Concors de preseps de Jornalet 2018

Calendas es lo temps de fèsta a l’entorn de Nadal e del solstici d’ivèrn. En Calendas, la cultura occitana s’i manifèsta plan, amb los repaisses en familha, de recèptas tradicionalas, los tretze dessèrts, lo cachafuòc o la soca de Nadal, las pastoralas, los nadalets, la decoracion de l’ostal e los tradicionals preseps tanben nomenats presepis, betlèms o grépias.
 
Per tant, Jornalet vòl organizar un còp de mai son concors de grépias, que son ganhant recebrà de polits presents. Pendent aqueste mes de decembre, e fins al 6 de genièr, mandatz-nos las fotografias de vòstre presep o presepi o betlèm o grépia. Publicarem vòstres imatges regularament e aital totes poirem veire cossí los autres legeires vivon las fèstas.
 
 
Per participar al concors de preseps de Jornalet
 
— Mandatz una fòto de vòstre presep abans lo 6 de genièr a info@jor... en indicant qu’es per lo concors de preseps.
 
— Lo 7 de genièr, la redaccion contactarà la persona ganhanta del concors e li mandarà lo present. Quand lo ganhant l’aurà recebut, nos mandarà una fòto amb lo present: serà publicada dins Jornalet amb la fòto de son presep.
 
— Mentre que lo mond mandaràn las fòtos, tre uèi e fins al 6 de genièr, la redaccion las publicarà dins una galariá especiala.

— Podètz veire las fòtos de las edicions precedentas [edicion de 2017] [edicion de 2016] [edicion de 2015] [edicion de 2012]


Josette Moll
Josette Moll
Tant lo concors de preseps de 2016 coma lo de 2017 los ganhèt Josette Moll de Narbona Plaja per sas subrebèlas grépias que representavan un vilatge de la còsta de Lengadòc. Ongan en çò de Josette e Jean-François Moll an fach tornarmai un presep subrebèl

Galariás

2018

2017 (+)

2016 (+)

2015 (+)

2014 (+)

2013 (+)

2012 (+)

2011 (+)


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)