Bandièra01 capçalera  1180x150: Novestivada

editorial

“La Passem!”: mai qu’una corsa

| Ligams
Gasconha es venguda un país en movement per la lenga occitana. L’edicion 2022 de “La Passem!”, una corsa de relèu per la transmission de la lenga, arriba uèi a Pau après aver percorregut 600 quilomètres en traversant lo Bas Ador, las Lanas, Bigòrra e Bearn en tot mobilizar la societat civila long de son passatge. La corsa partiguèt dijòus de Sent Martin de Senhans, après una seguida d'animacions organizadas pels escolans de la filièra bilingüa. Los organizaires de l'eveniment an encapat un afar primordial de la lucha occitanista, s’apropriar una revendicacion transversala, viva, joiosa e combativa.


Après una pausa deguda a la ndemia, aquesta segonda edicion de “La Passem!” a consolidat l’eveniment coma una corsa e a l’encòp una fèsta nacionala de revendicacion. S'agís d'una idèa brilhanta del collectiu Ligams, per revendicar la transmission de la lenga, e sustot, per semenar dins nòstras consciéncias que podèm pas permetre que desaparesca la riquesa pus preciosa qu'ajam, qu'es la que fa de nosautres de ciutadans del Mond en occitan e a la faiçon occitana, e aital escambiam amb la rèsta de l'umanitat nòstre biais d'èsser, de pensar, de parlar e de viure.
 
Amb aqueste editorial, la còla de Jornalet volèm benastrugar los organizaires e los participants de l’eveniment al qual esperam d’ajudar dins las edicions venentas. En mai d’aquò, volèm incitar la rèsta del país a organizar d'eveniments similars, tanben d'un biais transversal, joiós e viu, e tostemps revendicatiu.

 
 

 


Podètz seguir tota la corsa sus Ràdio País.



 

 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
9.

#7 Mes sustot perqué ei important que lo gascon sia ua lenga e pas ua varietat de l'occitan?

  • 2
  • 0
Pascau
8.

#7 Peu chic qui'n sèi que's pot que las definicions de "lenga" sian pro divèrsas e complèxas tà que gasconistas e occitanistas ajan drin rason e drin tòrt e qu'aquò depéndia deu noste punt de vista. S'avètz referéncias precisas, ok que legi mes ne'm vau pas pelar tota la bibliografia de 4 linguistas en integralitat ...

  • 1
  • 0
Canto
7.

#5 Lo gascon qu'ei ua lenga dab variacions locaus!
#6 Henriette Walter, Philippe Blanchet o Jean-Louis Massoure qu'ac explican mei plan que jo!
L'occitan qu'ei au gascon çò qu'ei la corrida au noste patrimòni....

  • 5
  • 2
Pascau
6.

Lhèu e poderetz definir çò qu'ei ua lenga tà vosauts... Que seré ua bona basa tà saber si lo gascon hè partida de la lenga occitana o de las lengas occitanas, non?

  • 1
  • 0
Eric Luc (Bearn)
5.

#4 Non, lo gascon n'ei pas ua lenga mès DE lengaS: la lenga bearnesa n'a pas arren a véder dab la lenga medoquina o la lenga lomanhòla. Be cau deishar de fantasmar dab l'unica lenga gascona ! Las conjugasons be càmbian d'un endret a un aute ! Que poderem devisar tanben de las prononciacions hèra diferentas d'un parçan a un aute deus país gascons. Non i a pas ua Gasconha mès de país gascons (e de lengaS gasconaS).

  • 0
  • 6

Escriu un comentari sus aqueste article