CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimenge, 23 de julhet

editorial

Dimenge, 16 de julhet de 2017, 03h00

Res per festejar


Comentaris 6 comentaris    
Marrit Flac Bon Plan bon Fabulós (12 vòtes)
carregant En cargar


Aqueste 14 de julhet, los occitans aviam pas res per festejar. D’un costat, l’estat qu’administra la màger part del país nòstre festejava lo començament de la Revolucion Francesa, un fach istoric que marca l’origina del genocidi cultural e lingüistic mai terrible de l’istòria d’Euròpa e la decadéncia de nòstra civilizacion. De l’autre, nos remembràvem lo primièr anniversari del chaple de Niça que portèt l’orror en daissant 86 personas mòrtas, 460 de nafradas e de milièrs de desconsoladas.
 
Los dos eveniments se commemorèron a París amb de desfiladas militaras a l’estil dels regimes dictatorials, e jos l’agach presidencial d’Emmanuel Macron e de Donald Trump. Mentretant, Brigitte Macron e Melania Trump recordavan al Mond qual es totjorn lo ròtle somés de las femnas dins las societats patriarcalas. Se cresiam qu’aviam evolucionat devèrs una societat pus modèrna, justa e egalitària, divendres remarquèrem que sèm totjorn al sègle XX. E mai se l’armada joguèsse d’aires de Daft-Punk e quitament l’imne niçard Niça la bèla, que son origina l’explica lo sit web del govèrn francés, las desfiladas militaras mòstran clarament qu’es l’armada que ten l’emperi e sos deliris de grandeur.
 
Pus tard, Macron anèt a Niça per rendre omenatge a las victimas de l’atemptat. Aquí prometèt de luchar contra lo terrorisme a l’interior e a l’exterior de l’estat francés. Aquela promessa nos inquieta fòrça: volèm pas pus de mòrts nòstres a causa de lors guèrras.
 
Cresèm qu’es prioritari de combatre l’intolerància que mena a l’òdi, e que o cal far al país. Lo crime de Niça foguèt un atac contra la convivéncia, e mai los intolerants profecheron del chaple per refortir lor campanha islamofòba en ignorant que demest los mòrts, los mètges, los infirmièrs e los pompièrs que sonhèron los ferits, i aviá de nombroses musulmans. Nos sembla injust politicament, e eticament repugnant, que se bastisca sa campanha de l’òdi sul sang dels cadavres dels atemptats.
 
Los refugiats qu’arriban al país fugisson de crimes tant òrres coma lo de Niça, que los terroristas cometon cada jorn en divèrsas vilas d’Orient e d’endacòm mai. Los que coneissèm aquela orror deuriam èsser mai solidaris que jamai e los aculhir. Mas los que comprenon aquò, se fan detenir en gàrdia a vista divèrses còps, coma es lo cas de Cédric Herrou e la còla de Ròia Solidària, o se fan atacar impunament per de grops faissistas, coma lo RAIH de Montpelhièr.
 
Mentretant, França convida lo sénher de la guèrra, la causa de tot aquel drama, a son orgia guerrièra de cada an. E mentre que fan l’apologia de la guèrra, nos vòlon far creire que ploran los mòrts de Niça.
 


abonar los amics de Jornalet



publicitat



Comentaris

21 de julhet 09.45h

"Aqueste 14 de julhet, los occitans aviam pas res per festejar.". Sabe pas al nom de qual parlatz, que los Occitans los avem vistes al contrari festajar lo 14 de Julhet ambe fervor, de pertot, dins cada vilatge et coma cada annada, ambe de dansas, de cants, de bals et de fuocs d'artifici...


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

19 de julhet 15.03h

Lo 14 de julhet (coma ditz c.) festeja oficialament la « fèsta de la Federacion », es a dire lo 14 de julhet 1790. Es lo grand moment de concòrdia de la Revolucion ont a l'entorn de La Faièta e de la familha reiala totas las federacions (los representants del 83 departaments) son assemblats.
Dins l'esperit del monde, lo 14 de julhet fa referéncia a la presa de la Bastilha, çò qu'es efectivament un eveniment simbolic important, mas marca pas la « debuta de la Revolucion », que ser... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 23.46h

En lo #2 , de segur , quan parlavi de "gloriosa" Revolucion Francesa, deu "PROGRÈS" per era menat , e de la des.hèita "vergonhosa", èra per ironia e trufandisa , se quauques unes ne se'n son pas avisats ...


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 11.33h

#1 Solide que lo Macron nos fai rire e que la faula del 14 de julh es una arnaca. Biaissut e finàs Lachaud, amb l'Asselineau, lo candidat vòstre, seria estat cossi ?


Valoriza aqueste comentari:   votar positiu 25   votar negatiu 1
Respondre comentari replica Comentari inadeqüat   Formulari d'abús de comentari

18 de julhet 08.59h

Se hesteja non pas lo 14 de julhet de 1789 (la Bastilha presa), com lo monde s'imaginan , mès lo 14 de julhet de 1790, Hèsta de la Federacion, quan lo rei jurèt de respectar la Constitucion navèra (monarquia constitucionala e ciutadans d'una nacion sobirana) e totas las leis navèras (Declaracion deus drèits de l'Ome e deu ciutadan + los departaments, las mesuras metricas ...) . Un monde nau, vadut de la gloriosa Revolucion Francesa .
Per plan compréner , fau tornar a l... Legir mai


Valoriza aqueste comentari:   votar positiu 6   votar negatiu 4
Respondre comentari replica Comentari inadeqüat   Formulari d'abús de comentari

17 de julhet 07.49h

A mas falgut dos mes a Macron per montrar son vertadier visatge. Quand la femna aprenguet que volia impausar 11 vacinacions disset : "Ai compres; Macron paia sa campanha electorala a los que lo fagueran eligits."
Esi pas lo caid d'aquela campanha, es mas una marioneta au servici d'una casta de poderos de mai en mai isolat tant en Franca que dins lo monde mas que tenan d'una man de far los medias coma la justiça e d'autres pòstes importants de comandaments. Sabam ren daus comanditaris dau... Legir mai


Valoriza aqueste comentari:   votar positiu 11   votar negatiu 9
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

giny

Lo temps

Mapa
  • sol Agen 26 17
  • nuvols Aush 23 16
  • sol Bordèu 25 17
  • sol Briançon 22 11
  • sol Caors 24 16
  • nuvols Carcassona 22 15
  • nuvols Clarmont-Ferrand 24 14
  • nuvols Confolent 22 14
  • sol Gap 29 14
  • sol La Canau 25 17
  • sol La Gàrdia 31 20
  • sol La Torre de Pèlitz 29 19
  • nuvols Limòtges 22 14
  • sol Lo Borg Sant Dalmatz 33 19
  • sol Lo Puèi de Velai 25 13
  • nuvols Marselha 34 20
  • sol Montpelhièr 29 21
  • nuvols Naut Aran 19 12
  • sol Niça 23 12
  • nuvols Nimes 33 19
  • nuvols Pau 21 15
  • nuvols Peireguers 23 15
  • sol Rodés 24 15
  • sol Tolon 32 19
  • nuvols Tolosa 24 17
  • sol Valença 27 14

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Meravilhas aranesas. © Franc Bardòu

    Meravilhas aranesas

  • © Laurenç Revèst

    Menton, 'a vivaroalpenca maritima

  • © Laurenç Revèst

    Menton, 'a vivaroalpenca maritima

  • © Asalaís Moniguet

    Montpelhièr la lengadociana

  • © Conselh Generau d'Aran

    Lo Torn de França 2016 en Aran

  • © Iñaki Delaurens

    Val d'Aran

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Via de Buelh a Pèunas a Valberg fins a Sant Laugier

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Asuèlhs comengeses. © Franc Bardòu

    Asuèlhs Comengeses

  • Niça vièlha en occitan niçard. © LR

    Niça vièlha en occitan niçard

  • La Primada de Montsegur 2013. © Bruno Sapena

    La Primada de Montsegur 2013

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Aure Séguier

    Carnaval Biarnés 2017

  • © Franc Bardòu

    Coserans al còr

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Estivada 2013. © Guillem Sevilla

    Estivada 2013

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)