Bandièra01 1180x150: País Invisible

Actualitats

Lo cortmetratge musicau Shens Papèrs qu’ei d’ara enlà disponible sus Internet en accès libre

Lo filme que mòstra la vita vitanta d’ua familha de shens-papèrs, tolerància, dubertura a l’aute, devath las paraulas justas, en occitan e cabil

Produsit per l’associacion Art’Oc, lo filme Shens Papèrs qu’ei escriut e realizat per Felip Espinasse, corealizat per Eva Cassagnet, filmat per Amic Bedel, montat per Jan Labourie, dab l’ajuda preciosa deu CAMOM, Guillaume Lopez, Amel Duret , Fabiana Vayrette (Hilhas deu Vent) e Simon Portefaix per l’enregistrament de la cançon, mixada e masterizada per Nicolas Panek.
 
Vita vitanta d’ua familha de shens-papèrs, tolerància, dubertura a l’aute, devath las paraulas justas, en occitan e cabil, musica lancejanta, pontuadas peus pas deus dançaires de rondèu gascon e d’ua dançaira contemporanèa.
 
Que barrutla, hurtiva, lo son espiar a despart en sarrar ua saca de plastic plea de papèrs, tau un ben preciós.... De uei enlà, tota la sua vita teng dins aquera saca, mès quin sens a aquera pièla de papèrs, per ua vita de “shens-papèrs”? Dançaires que s’apitan per l’aròu ensabatant d’un rondèu gascon. Encontre...
 
 
 
Felip Espinasse
 
 
 
vimeo.com/178895355


Shens Papèrs from association Art'Oc on Vimeo.



 
fffff fffff
 Shens Papèrs es un cortmetratge musical de granda qualitat ont se mescla la vida vidanta d’una familha sens papièrs, lo cant e la dança. Lo filme, rodat a Aush, es escrich e realizat per Philippe Espinasse, corealizat per Eva Cassagnet e filmat per Amic Bedel. Ten l’ajuda preciosa del CAMOM per l’enregistrament de la cançon.
 
La còla d’Art’Òc definís lo filme coma “tolerància, dobertura a l’autre jos las paraulas justas en occitan e en cabil”, amb lo fons de la musica entestanta e lo pas dels dançaires del rondèl. Un trentenat de dançaires participèron al rodatge del 8 de març de 2016 a Samatan (Savés) per donar vida a un rondèl.
 
   


Ràdio País qu'èra a Pau lo dia deu rodatge



abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Monsur
3.

Personalament pòdi pas suportar aqueu "cort-metratge" (qu'en realitat es un clip musicau)... paura cultura Occitana, paura Occitània... podèm pas aguer una vertadiera òbra artistica per nos representar puslèu qu'un clip politic de gaucha ?

  • 0
  • 6
Guilhèm Thomas Tolosa
2.

Vertadièrament ... lo sostitolatge en francés de la cançon occitana èra tant necessari ?

Lo besonh de compreneson pels franceses monolingues èra tant injonctiu ?

  • 0
  • 1
JNoël Pau
1.

Se v'agrada lo subjècte, Ràdio País qu'èra a Aush lo dia de rodatge :
https://soundcloud.com/radio-pais/shens-papers-naveth-projecte-audio-visuau-occitan

  • 6
  • 0

Escriu un comentari sus aqueste article