Actualitats
De mens en mens d’aiga
La lista facha per las Nacions Unidas dels païses que ja uèi patisson la set es estonanta
Lo rapòrt de junh d’ongan de las Nacions Unidas sus la crisi de la manca d’aiga sus la planeta torna èsser alarmant. Las chifras an ja confirmat que mai de 2 miliards de personas sus la planeta patisson de manca d’aiga potabla. E son de chifras que pòdon solament créisser.
Sus la planeta i a uèi mai de 7,6 miliards d’abitants e d’aquestes mai de 2 ja patisson uèi de grèvas restriccions d’aiga potabla. E malgrat los plans de las Nacions Unidas per assajar de distribuir d’aiga a totes en 2030, la vertat es qu’en 2050 mai de la populacion de la planeta patirà la set.
Alavetz, nos cal pausar una question: i aurà pro d’aiga lèu per totes? I a doas causas prefondas per aquel avenir: la creissença de la populacion mondiala e lo cambiament environamental. La set es ara presenta en de païses encara per desvolopar mas arribarà lèu a de païses e vilas europèas e nòrd-americanas tanben.
Una lista de païses mai e mai granda
La lista facha per las Nacions Unidas dels païses que ja uèi patisson la set es estonanta: Índia, Etiopia, Nigèria, China, Còngo, Indonesia, Tanzania, Oganda... Qualques unes an d’administracions qu’an melhorat las condicions de lors abitants en çò que pertòca la set. Atal o an fach Índia e Etiopia que, malgrat aquò, encara son los primièrs de la lista pr’amor qu’an 163 e 61 milions de personas que mancan d’aiga cada jorn.
A mai, las politicas ecologicas son pas totjorn bonas: un camp de cana de sucre per far d’etanòl destinat a las veituras vòl dire un camp de mens per alimentar de familhas. De poses aicí e ailà entraïnan de set pels vesins. E las situacions d’aquela mena, çò diguèron las Nacions Unidas, seràn de mai en mai comunas.
“I a pas pro d’aiga per totes —çò assolidèt Paolo d’Oronico, cercaire de l’Universitat de Califòrnia—. Una indústria mens polluenta a de besonh de mai en mai d’aiga, e de còps, de practicar una politica ecologica mena a necessitar mai d’aiga per aquela indústria pus ecologica”.
De mai, i a lo cambiament environamental amb de temperaturas pus caudas e amb mai de secadas. En 2040, i aurà d’estransi aqüatic en de païses coma los Estats Units, Peró e Austràlia, mas tanben en Occitània, Catalonha, Espanha, Anglatèrra... (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Sus la planeta i a uèi mai de 7,6 miliards d’abitants e d’aquestes mai de 2 ja patisson uèi de grèvas restriccions d’aiga potabla. E malgrat los plans de las Nacions Unidas per assajar de distribuir d’aiga a totes en 2030, la vertat es qu’en 2050 mai de la populacion de la planeta patirà la set.
Alavetz, nos cal pausar una question: i aurà pro d’aiga lèu per totes? I a doas causas prefondas per aquel avenir: la creissença de la populacion mondiala e lo cambiament environamental. La set es ara presenta en de païses encara per desvolopar mas arribarà lèu a de païses e vilas europèas e nòrd-americanas tanben.
Una lista de païses mai e mai granda
La lista facha per las Nacions Unidas dels païses que ja uèi patisson la set es estonanta: Índia, Etiopia, Nigèria, China, Còngo, Indonesia, Tanzania, Oganda... Qualques unes an d’administracions qu’an melhorat las condicions de lors abitants en çò que pertòca la set. Atal o an fach Índia e Etiopia que, malgrat aquò, encara son los primièrs de la lista pr’amor qu’an 163 e 61 milions de personas que mancan d’aiga cada jorn.
A mai, las politicas ecologicas son pas totjorn bonas: un camp de cana de sucre per far d’etanòl destinat a las veituras vòl dire un camp de mens per alimentar de familhas. De poses aicí e ailà entraïnan de set pels vesins. E las situacions d’aquela mena, çò diguèron las Nacions Unidas, seràn de mai en mai comunas.
“I a pas pro d’aiga per totes —çò assolidèt Paolo d’Oronico, cercaire de l’Universitat de Califòrnia—. Una indústria mens polluenta a de besonh de mai en mai d’aiga, e de còps, de practicar una politica ecologica mena a necessitar mai d’aiga per aquela indústria pus ecologica”.
De mai, i a lo cambiament environamental amb de temperaturas pus caudas e amb mai de secadas. En 2040, i aurà d’estransi aqüatic en de païses coma los Estats Units, Peró e Austràlia, mas tanben en Occitània, Catalonha, Espanha, Anglatèrra... (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pas pus d aiga, una alimentacion amb fruches e legums que fa la novela discriminacion entre classas socialas mai o mens nautas... Un recalfament climatic que fach de las vilas un fornas sens aire en estiu...Tot aquestes cambiaments podrian nos assegurar que le buf es a virar.
Nos manca encara un teletrabalh per viure al ras del casau luenh de las metropolas.
E sera acabat lo temps ont calia pagar lo terç de son revengut per se logar dins las formiguieras a enmerdas. L arrogancia de la populaça servis pas a res ara.!Planvengut dins lo secle novel ne cal mai rire que plorar...
E la FAO que t'explica, chifras en man que tot va plan e que i aurà pas de dificultats a noirir lo mond quand serem 10 miliards.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari