Bandièra01 capçalera  1180x150: Novestivada

Actualitats

L’InÒc socializa l’occitan un an de mai amb sa campanha “Bona Annada 2019!”

Ongan, tot plen d’estudiants an prepausat de pistas de reflexion sul tèma de la “bona annada”, de l’occitan e de la cultura del país

| InÒc Aquitània
Un an de mai, l’InÒc Aquitània a presentat la campanha de vòts “Bona Annada 2019!”. Coma cada an, se tracta d’afichar la lenga occitana amb lo messatge calorós de la “bona annada” adreiçat al public general, que conescan la lenga o pas, e de la far venir presenta dins la vida vidanta del país.
 
Lo visual d’ongan es lo resultat d’un trabalh de collaboracion entre l’InÒc e l’Escòla Superiora d’Art dels Pirenèus. Fòrça estudiants an prepausat de pistas de reflexion sul tèma de la “bona annada”, de l’occitan e de la cultura del país. Enfin, la creacion grafica finala es facha per l’estudianta Ana-Sophia Carpousis. Aquesta prepausa un prolongament de la reflexion d’arunan amb una aficha mai luminosa e acolorida que fa pensar a la gaietat d’un fuòc d’artifici; s’agís d’una representacion mai concreta de la socializacion de la lenga, de la convivialitat e de l’irradiacion culturala.
 
Aquela campanha existís dempuèi 2003 e cada an ten mai de partenaris, çò que la fa grandir, e rend de mai en mai presenta la lenga dins lo païsatge lingüistic d’Occitània. A l’ora d’ara, la campanha la sostenon lo CIRDÒC, l’ÒPLO, los conselhs departamentals dels Pirenèus Atlantics e dels Nauts Pirenèus e tanben las regions qu’an pres lo nom d’Occitània e de Nòva Aquitània.
 
 

 
 




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Thomas Tolosa
1.

Ai pas tròp comprés se i aviá una demarcha especifica per obténer l'aficha ... Cossí far per la recebre ?

Mercés;

  • 1
  • 0

Escriu un comentari sus aqueste article