Bandièra01 capçalera  1180x150: Novestivada

Actualitats

L’ÒSCE demanda d’explicacions a l’estat espanhòl per la gestion de la campanha electorala dels presonièrs politics

Lo Ministèri de l’Interior espanhòl a defendut, davant l’organizacion intergovernamentala de seguretat pus granda del Mond, la gestion dels eveniments electorals dels presonièrs

Dimenge venent, dins l’estat espanhòl i aurà d’eleccions generalas dins un encastre fòrça particular: d’elegits en preson que se presentan coma candidats. Aquel contèxt, amb la participacion dels presonièrs politics a la campanha per mejan de videoconferéncias de la preson estant, a mes en alèrta l’Organizacion per la Seguretat e la Cooperacion en Euròpa (ÒSCE) qu’a demandat d’explicacions a l’estat espanhòl.
 
Lo secretari general de las institucions penitenciàrias, Ángel Luís Ortiz, a defendut, davant l’organizacion intergovernamentala de seguretat pus granda del Mond, la gestion dels eveniments electorals dels presonièrs politics pendent la campanha. Una delegacion de l’Ofici de las Institucions Democraticas e dels Dreches Umans (ÒDIHR), que fa partida de l’ÒSCE, s’amassèt diluns de matin amb Ortiz per aver mai d’informacion sus la campanha electorala e suls dreches electorals dels presonièrs.
 
Segon çò qu’a explicat lo Ministèri de l’Interior espanhòl, la delegacion de l’ÒSCE a considerat coma un fach “inabitual” que i aja de candidats a las eleccions en preson, “una situacion tanben nòva” per aquel organisme internacional. Atal o diguèt lo cap de la còla d’observacion electorala, l'armènia Tigran Karapetayan, e l’analista politica britanica Sasha Pajevic.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Els disen que son pas presos politics, e els fan un judici politic franquista. Els permeten far unas pichunos charradas en videoconferència per las eleccions, edoncas reconeissen que son presos politics. E prohibeissen que per tv3 digan presos politics e exiliats ? Com quedam, què son e perquè los havets ficat en prison? Se l'única violencia qu'hi haguet foguet la de los detz mila antidisturbis que mandet lo govern de Madrid ? Se lo comportament dels votants fou pacific coma Gandi !

  • 1
  • 0

Escriu un comentari sus aqueste article