Bandièra01 1180x150: País Invisible

Actualitats

An recuperat l’escaleta de Montpelhièr

Aquela coqueta lengadociana populara tre l’Edat Mejana desapareguèt a causa de sa laboriosa elaboracion. Ara, un parelh de Sant Adornin l’an recuperada

An recuperat l’escaleta de Montpelhièr, un bescuèch qu’èra plan popular en Bas Lengadòc tre l’edat mejana fins que desapareguèsse
An recuperat l’escaleta de Montpelhièr, un bescuèch qu’èra plan popular en Bas Lengadòc tre l’edat mejana fins que desapareguèsse
An recuperat l’escaleta de Montpelhièr, un bescuèch qu’èra plan popular en Bas Lengadòc tre l’edat mejana fins que desapareguèsse. Un parelh de Sant Adornin (Montpelhierenc) l’an recuperat e an decidit de lo relançar, çò rapòrta Le Parisien. S’apèlan Adrien Briu e Perrine Guillem e son a reviscolar aquela leugièra e citronada nèula lengadociana. Las escaletas las fan amb lo vièlh fèrre de la mameta, una per una.
 
“Ma grand ne crompava encara quand èra pichòta e nos en fasiá a cada Nadal”, çò raconta Briu al jornal parisenc. “Amb Perrine, ma companha, nos sèm diches que mancava una vertadièra especialitat locala, quicòm que se pòsca restacar a Montpelhièr”.
 
Per lançar lo projècte, entamenèron un projècte de micromecenatge, que capitèt ben lo 28 de setembre passat amb lo 102% de la soma necessària.
 
L’escaleta desapareguèt progressivament de las pastissariás montpelhierencas a causa de son elaboracion laboriosa, car las caliá far una per una. Mas ara sembla qu’an trobat una solucion per evitar aquel escuèlh: “Avèm fach fabricar una gasinièra sus mesura per poder desmultiplicar la produccion e fornir de nombrosas ensenhas”, çò ditz Adrien.
 
Lo paquet de sièis escaletas se vendrà en mejana a 5,70 èuros.
 
 
 
 
 
abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevena
3.

#1 Per las aurelhetas, bien de monde las fan encara. E vos afortisse que son bien melhonas qu'aquelas d'endustrialas qu'an gost a òli escaufat, sans aiga-nafa ni limon per una bòna part !

  • 0
  • 0
francesc palma
2.

Està molt ben qu' es recuperin pastissets del país. Los de París ja sabem que son una porqueria industriala a base de quimica. A Mallorca feien las personas grans, pastissos de tel de let mesclat amb farina e let bolida amb potser pelh de limona, i agradava molt als joves de la casa,e non tan joves que se les manjaven com si fossin unas galetas.

  • 3
  • 0
Oksitanlaştıramadıklarımızdanmısınız Ai potat dins lo riu de las zegas, ara soi chòp.
1.

N'en tornarai prene un briu... :-)

Baste que fasquessa pas coma lo " longuet " et las "oreillettes" patissarias indutrialas, vendudas dins de brustias de plastic. Un patac e una escorna de mai qu'es atal portat a la cultura nòstra.

  • 5
  • 0

Escriu un comentari sus aqueste article