Bandièra01 capçalera  1180x150: Novestivada

Actualitats

crotz-tolosaCreated with Sketch.AuvèrnheAuvèrnheCastanhau

La Capèla de Viescamp: un elevaire condemnat a causa de la fortor de sas vacas

Las denóncias dels vesins, un parelh de retirats que se son installats al vilatge, obligan l’elevaire de s’endeutar de 130 000 èuros

| Soutien à mon voisin paysan lacapelle viescamp
Après dètz ans de batalha judiciària, la cort d’apelacion de Limòtges a condemnat Nicolas Bardy, un elevaire de la Capèla de Viescamp (Castanhau) a pagar 8000 èuros a sos vesins per la pudentor de sas vacas. A mai, deu construir dos nòus bastiments 500 mètres pus luènh per i lotjar las bèstias. Tot comptat e rebatut, las denóncias dels vesins, un parelh de retirats que se son installats al vilatge, obligan l’elevaire de s’endeutar de 130 000 èuros.
 
L’elevaire es sostengut pels abitants del vilatge, çò rapòrta La Montagne. D’efièch, mai de 122 000 signaturas son amassadas sus change.org en sosten a Bardy. “Coma lo gal que canta tròp fòrt, coma las campanas de las glèisas que sonan tròp d’ora, las vacas lordas destorban... Lor vista, lor odor, lors desplaçaments incomòdan lo denonciaire”, çò ditz la peticion.
 
Mentretant, los vesins an lançat tanben una canhòta per sosténer Bardy, que lo considèran victima “de la bestiesa”. Per ara, an amassat mai d’11 000 èuros.
 
 
 
 
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo darrièr Païsan
2.

#1 Los "agricultors" son una invencion del motor de tractor e dels pesticidis de Monsanto. Los que son aquí despuèi 10 000 ans son los païsans, fòrt de la civilizacion mai anciana d'Euròpa. Per o destriar melhor, vos recomandi la lectura de la "Letra au darrier pacan dau Lemosin si non es desja mòrt" del grand Jan Dau Melhau…

  • 9
  • 0
Cristian Chaumont Narbona
1.

Encara un còp, de vilageses retirats a la campanha ont jamai an pausat lo pè aperabans, vòlon impausar sa lei als agricultors, que son aquí dempuèi de sègles, caçar son bestial plan luènh, far calar pols e campanas, tampar los bugalds, eca…
Son pas vergonhoses…

  • 11
  • 0

Escriu un comentari sus aqueste article