Bandièra01 capçalera  1180x150: Novestivada

Actualitats

Evo Morales es en Argentina amb la condicion de refugiat politic

Morales foguèt un mes en Mexic après que l’armada de Bolívia l’aguèt forçat a l’exili

L’èx-president bolivian, Evo Morales, arribèt ièr divendres de matin en Argentina, en condicion de refugiat politic. Morales èra estat un mes en Mexic après que l’armada de Bolívia l’aguèt forçat a l’exili en seguida de las eleccions del 20 d’octòbre, rebutadas per l’oposicion.
 
Lo president mexican Andrés Manuel López Obrador li prepausèt l’asil politic, mas fin finala Morales a decidit d’anar en Argentina, per sa proximitat amb son país e perque i son sos filhs Evaliz e Álvaro. Per las eleccions venentas de Bolívia, Morales serà lo director de campanha de son partit, lo Movement devèrs lo Socialisme del temps qu’es a esperar d’obténer l’estatut de refugiat politic.
 
Un factor clau per l’aculhença en Argentina es estat tanben la victòria electorala del peronista Alberto Fernández, car lo president precedent, Mauricio Macri, volguèt pas recebre Morales après la crisi boliviana.



abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Efectivament avia escrit lo nom malament. Mercès per l'indicacion. La G i la R las ai canviat de loc.

  • 0
  • 0
Pèire d\'Alvèrnha
3.

#2 Supausi que voliás parlar de'N GIRAUT de Bornelh, d'Eissiduèlh… Li caldrà indicar qu'en temps de mondializacion ultraliberala, « una alba falsa se trigòssa pels puèges » ! (Cf. J. Bodon)

  • 2
  • 0
francesc palma
2.

Per lo president Evo Morales, unas paraulas dels trobador perquè tengui anims en aquests moments dificils: de Rigaut de Bornelh mestre dels trobadors e considerat lo melhor trobador del seu temps ....1162-1199....

Bel dous companh, tan sui en ric sojorn,
qu'eu no volgra mais fos alba ni jorn,
car la gensor que anc nasqués de maire
tenc e abràs, per qu'eu non prezi gaire
lo fol gelós ni l'alba.

  • 2
  • 0
francesc palma
1.

Fan un cop d'estat e traure lo cap del govern bolvian elegit democraticament,e coma se non agués passat res, la "democràcia" non se immuta. Aissí es la feblesa de la democracia del mond sota la bota ianqui, una vergonha.mas eles n'an pas.

  • 4
  • 0

Escriu un comentari sus aqueste article