Actualitats
Sent Peir de Frègia: an reviscolat lo vilatge
La majoritat de vilatges occitans son gaireben desèrts, privats de vida, de comèrcis e de servicis. Mas un vilatge peiregòrd s’es reviscolat gràcias a l’ecologisme
La majoritat dels vilatges occitans son gaireben desèrts, victimas de l’exòde rural e de l’envielhiment de lor populacion, e la majoritat an vist a barrar totas lors botigas. Lo vilatge peiregòrd de Sent Peir de Frègia (Nontronés) a entamenat una iniciativa per que lo vilatge reprenga de vida, e i son arribats gràcias a l’ecologisme. O rapelava en 2016 Positivr e es totjorn un fach.
Après lo barrament del darrièr comèrci, lo bistròt que preparava los repaisses de la cantina escolara, lo cònsol màger de Sent Peir de Frègia, Gilbert Chabaud, se metèt al trabalh amb son conselh municipal per i tornar de vida. Dins un primièr temps, son conselh municipal votèt la fin de l’usatge dels pesticidas e dels tractaments fitosanitaris, çò que provoquèt lo retorn dels parpalhòls e d’autres insèctes pollinizaires qu’an fach reviure lo bòsc.
En seguida, la municipalitat decidiguèt de crear un “jardin partejat”, es a dire un òrt collectiu dobèrt a totes los abitants qu’i an plantat de frucha e legums. L’animacion solidària que l’a congreada l’iniciativa a despassat totas las previsions e l’idèa s’es facha conéisser endacòm mai.
Un còp l’environament melhorat, la comuna a crompat las zònas umidas de l’entorn per i far d’ecotorisme. An establit de novèlas draias de passejada e an restaurat lo patrimòni del vilatge. Aquò a fach venir tantes toristas qu’an quitament bastit un jaç rural e ecologic destinat a aculhir los vesitaires.
Lo bistròt es dobèrt tornarmai. E l’escòla tanben. E mai l’educacion nacionala o aja pas volgut far, an installat una escòla Montessori e tre sa primièra annada lo centre aculhissiá ja 20 escolans. Es benlèu lo moment d’i prepausar una Calandreta?
Après lo barrament del darrièr comèrci, lo bistròt que preparava los repaisses de la cantina escolara, lo cònsol màger de Sent Peir de Frègia, Gilbert Chabaud, se metèt al trabalh amb son conselh municipal per i tornar de vida. Dins un primièr temps, son conselh municipal votèt la fin de l’usatge dels pesticidas e dels tractaments fitosanitaris, çò que provoquèt lo retorn dels parpalhòls e d’autres insèctes pollinizaires qu’an fach reviure lo bòsc.
En seguida, la municipalitat decidiguèt de crear un “jardin partejat”, es a dire un òrt collectiu dobèrt a totes los abitants qu’i an plantat de frucha e legums. L’animacion solidària que l’a congreada l’iniciativa a despassat totas las previsions e l’idèa s’es facha conéisser endacòm mai.
Un còp l’environament melhorat, la comuna a crompat las zònas umidas de l’entorn per i far d’ecotorisme. An establit de novèlas draias de passejada e an restaurat lo patrimòni del vilatge. Aquò a fach venir tantes toristas qu’an quitament bastit un jaç rural e ecologic destinat a aculhir los vesitaires.
Lo bistròt es dobèrt tornarmai. E l’escòla tanben. E mai l’educacion nacionala o aja pas volgut far, an installat una escòla Montessori e tre sa primièra annada lo centre aculhissiá ja 20 escolans. Es benlèu lo moment d’i prepausar una Calandreta?
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Ont avètz vist que constatar l'evidencia banala que las vilas e campanhas d'Occitània son repobladas per d'estrangers seria faire d'ostracism anti-estrangers ? E que l'occitan tuat per l'administracion parisenca qu'en dos sègles faguèt tot (coercicion, propaganda, vergonha...eca...) per exterminar las lengas autras que lo francès seria estat tuat per la colonizacion actuala que se desbana sus una tèrra jà grandament despoblada e desoccitanizada ? Es ésser ostracista o racista de constatar que suls mercats cevenols s'ausis mai parlar olandès, alemand, englès o parisenc que non pas occitan ? Es ésser ostracista o racista de constatar que dins las vilas occitanas la lenga qu'ara s'ausis lo mai en defora del francès es pas l'occitan mas l'arabi ? Prène acte de la realitat implica pas, coma semblatz o-creire, de se'n lamentar o de se'n regausir. E de qu'i cambiaria ?
https://www.francetvinfo.fr/economie/immobilier/parlan-comment-ce-village-attire-des-habitants_3254835.html
Bravo Jan-Micheu e laissa petonar los petonaires, los Occitans son los prumiers qu'an obludat lor linga e lor cultura e faudriá ostracizar los "estrangiers" pfff. Una remarca: Sent Peir de Frègia, qu'es a costat d'ente ieu vive, segur fau passar la frontiera Nauta-Viena/Dordonha lol mas d'aquí a dire que qu'es peirigòrd queu pitit borg hum, qu'es subretot lemosin (païsatge, agricultura, geologia, flors...).
#3 L'excepcion fai pas la règla. E siatz quand mèsma conscient d'ésser la simpatica e rarissima excepcion, non ?
soi arribat dins lo lemosin en 1983 soi nascut dins lo nord ... alaidonc soi un estrangier ? benleu ben ... per lòrs, aqui ai trobat dau monde que me porta l envià d'aprener la lenga ... pauc a pauc ... es un biais plan segur per luchar contra la mòrt de las lengas regionalas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari