Bandièra01 1180x150: Comuna de Tolosa

Actualitats

Cinèma europèu: es defuntat Michel Piccoli

Aquel grand actor del cinèma classic europèu moriguèt lo 12 de mai passat

Amb sièis jorns de retard sa familha n’assabentèt la premsa: Michel Piccoli defuntèt lo 12 de mai d’un accident vascular cerebral. Scenarista, productor e realizaire, se coneis mai que mai coma grand actor de teatre e del cinèma classic europèu, que rodèt amb los mai grands cineastas, coma Luis Buñuel (L’encantament discret de la borgesiá, Belle de Jour), Claude Sautet (Las causas de la vida, Max e los ferralhaires), Marco Ferreri (La grande bouffe) o Alfred Hitchcock (Topaz). Guierdonat en 1980 a Canas del prèmi de l’interpretacion per son ròtle dins lo filme Lo saut dins lo void de l’italian Marco Bellocchio, accediguèt a la celebritat en 1963 gràcias a son protagonisme dins Lo mesprètz, l’adaptacion que la faguèt lo realizaire francosoís Jean-Luc Godard del roman italian d’Alberto Moravia.
 
Engatjat a esquèrra e atèu convencut, joguèt un papa neurotic dins lo longmetratge de Nani Moretti, Habemus papam (2011).
 
Nascut a París, moriguèt dins son ostal de Normandia.
 
 


 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

quiquiriqui
2.

#1 cadierat supòsi que es un òme dins un fautelh grandàs mas quesquitge?- l'ai pas trobat dins los diccionaris. Mercés

  • 3
  • 0
Cuicui
1.

Es defuntat, pecaire! Mòrt coma un cadierat dins son quesquitge, pecaire!

  • 1
  • 4

Escriu un comentari sus aqueste article