Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'AranQuate Lòcs

Les: an anullat las fèstas del fuòc fins en 2021

Lo conselh municipal de la vila aranesa a decidit de cancellar los eveniments “deuant dera impossibilitat de garantir es mesures de prevencion sanitaria enes distàncies de seguretat”

Lo conselh municipal de Les (Quate Lòcs) a decidit d’anullar ongan las fèstas patronalas e la fèsta del fuòc de la nuèch de Sant Joan fins a l’an 2021, çò rapòrta Aran Notícies.
 
Amassats en una sesilha extraordinària dijòus passat, los cònsols de Les an decidit de cancellar los eveniments “deuant dera impossibilitat de garantir es mesures de prevencion sanitaria enes distàncies de seguretat entre es persones ena realizacion des [sues] hèstes (shasclada-crema-quilha deth haro)”.
 
 
Patrimòni de l’UNÈSCO en Aran e Comenge


En Aran e Comenge, las fèstas del fuòc, localament dichas “Hèstes deth huec” an pres un vam especial après que l’UNÈSCO las reconeguèt coma patrimòni immaterial de l’umanitat. Al total son reconegudas las “fèstas del fuòc del solstici d’estiu dels Pirenèus” de 36 comunas d’Occitània (en Comenge e Aran), de 14 de Catalonha, de 9 d’Aragon e de 3 d’Andòrra.
 
 
 

 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Associacion Es Paums Vilamòs
3.

Que mo'n hè dò.
Totun, nosati qu'ac hestejaram de forma virtuau en tot veir e escotar eth vidèoclip "Net de Huec" de Jaime Masana e Jèp de Montoya:
Ací qu'auetz eth ligam:
https://www.youtube.com/watch?v=poUK9OY7XzM

  • 6
  • 0
Franc Bardòu
2.

#1 Adiu Joan-Pau ! Soi segur aqu'auràs encara complit un trabalh de documentation etnografica de granda e bèla qualitat, te coneissent. Mas non daissarai cap comentaris jos aquestes trabalhs, ja que jamai non chaupini de ges de biais subre aquel Fèis Boc de malastre. Òsca a tu e a los que t'ajudan.

  • 7
  • 0
Joan Pau
1.

Eth Ostau Comengés qu'a aprestat ua conferéncia video sus era Sent Joan en Comenge-Varossa, en 14 episòdis de quauqu'ua minuta. Tot diá, deth 15 ath 28 de junh, que botaram un episòdi ena nòsta paja Fabebook. https://www.facebook.com/ethostau.comenges
Eras gents que poiràn deishar comentaris o questions e que les arresponeram tot seguit. Eras videos que's poiràn tanben véder pera platafòrma www.ahum.fr

  • 10
  • 0

Escriu un comentari sus aqueste article