Bandièra01 capçalera  1180x150: Novestivada

Actualitats

La campanha de vòts “Bona annada 2013” de l’InÒc

| InÒc

Tèxte legit

L’InÒc Aquitània que presenta la soa navèra campanha de vòts. Descobritz la prononciacion e las expressions en ligam dab las hèstas de fin. Las afichas que son en venta a l’InÒc, 1er solèr deu Castèth d’Este a Vilhèra (Bearn).
 

Arretrobatz tanben las 25 000 cartas postalas a gratis capvath Aquitània
 
Dens las vilas de Bordèu, Pau, Agen, Peireguers, Auloron Senta-Maria, Ortès, ..., lo messatge amistós de l’annada navèra que serà vededer per tots los qui parlan, legen la lenga occitana o non. Ua faiçon de véder la lenga afichada per las carrèras, au bèth miei deus movements ciutadans.
 
Arretrobatz las cartas a gratis de Bona Annada, dens los cafès, restaurants, universitats, floristas, cinèmas,....de la region Aquitània.
 
 
Vòts 2013 de l’InÒc Aquitània
 
Augan l’InÒc Aquitània que’vs da rendetz-ve tà la ceremonia deus vòts lo 25 de genèr 2013 a l’OARA a Bordèu, ( Molière Scène d’Aquitaine).

Ad aqueth parat lo prèmi “Cap e tot 2013” que serà autrejat a Guy Latry tau son engatjament en favor de la lenga e de la cultura occitanas.
 
 
 
 
InÒc Aquitània

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BOURDON Auloron
18.

#16 "E pensatz pas que la tropa d'opinants haré melhor de perpausar articles d'actualitat tot au long de l'annada que non pas se masturbar intellectuaument ?" Perdon, mes los qui escriven ací qu'ac hèn a gratis e a trucas de s'atraçar criticas; en suberpés, ne deverén pas aver lo dret de préner plaser a'escríver çò qui escriven ?

"Lo gran malur de la premsa francesa es la plaça mager balhada aus editorialistas. Avem besonh a nòste de rectors de consciença per nos díser que pensar de la caduda deu -n- intervocalica o de las aventuras de Depardieu dab la França ?"

Que sembla que n'avem entà'ns parlar de quin se deu har Jornalet...

  • 0
  • 0
Super Provençau Grans
17.

# 16 Mai de temps a polemicar qu'a trabalhar... En plaça dau temps perdut, se seriá belèu ja fach un article ò dos

  • 1
  • 1
Julien Bordèu
16.

#15 S'es l'objectiu de Jornalet, lavetz èm d'acòrd. Benlèu que la solucion seré d'"obrir un pòste" (benevòle, solide) per quauqu'un que poderé aver un ròtle per tornar formular la matèria bruta deus comunicat. Una persona pòt pas s'encuentar a l'encòp de las causidas redaccionaus, deu tractament de l'informacion, de la coordinacion deus contributors, e.c.a...

Per çò qu'es de ma participacion, prepari quauques articles sus l'actualitat bordalesa, que comunicaréi quan seran en fasa dab l'actualitat.

E pensatz pas que la tropa d'opinants haré melhor de perpausar articles d'actualitat tot au long de l'annada que non pas se masturbar intellectuaument ? Lo gran malur de la premsa francesa es la plaça mager balhada aus editorialistas. Avem besonh a nòste de rectors de consciença per nos díser que pensar de la caduda deu -n- intervocalica o de las aventuras de Depardieu dab la França ?

Bona jornada

  • 1
  • 1
Halhèr Les
15.

#14 Supòsi qu'er objectiu des de Jornalet serà hèr ce que dides. Mès sabes que Jornalet ei eth trabalh d'ua persona volontària mès collaborators, arrés ei pagat e cadun a eth sòn trabalh ath delà. Er esfòrç entà hèr quauquarren de semiprofessionau semble titanic. Demorem qu'un dia e poderà competir damb "Le Monde". Mès peth moment, desautorizar non ajude bric. Totun, escriu ath redactor de Jornalet e somet-li es tues prepauses, veiràs coma t'escote ben, e t'ac arregraís.

  • 3
  • 0
Julien Bordèu
14.

Adishatz,
Lo problèma es pas tant lo hèit que sia o pas una informacion. Au mon vejaire, tot pòt estar una informacion. Çò que compte, es lo biais de tractar l'informacion. Que l'InÒc hèsi publicitat per las soas accions, es primordiau. Es la basa se volem un minimum de visibilitat per Occitània. En mei d'aquò son un organisme finançat per lo public, donc hè plaser de véder coma es utilizada la caisha comuna.
Après fau saber se Jornalet es una regia publicitaria que publica publicitats brutas o s'es una gaseta d'informacion jornalistica que pren lo temps de tractar dab un agach objectiu las informacions que li son perpausada.
Fau pas con.honer contributor coma Goyhenne, Roch, Masdiset o Viaule (e los autes) que hèn un tribalh d'analisa e de sintesa sus una jornada esportiva o una òbra literària e organismes coma l'InOc, los IEO, los hestenaus, los partits politics, e.c.a. que hèn virar un comunicat de premsa.

Capcom edita un naveth videojòcs : Capcom botarà tota sa comunicacion suus aspèctes positius per vendre ; los jornalistas conscienciós testaran lo jòc, se pausaran la question de las condicions de produccion, deu benefici per l'esfere videoludica,... Un jornalista que s'acontentaré d'una simpla promocion per lo jòc seré discreditat (çò que s'es passat recentament dab lo Dorito's Gate).

Perque seré diferent en Occitània entre Occitans ? Pr'amor nos coneishem tots (o finiram per s'encontrar au cabaret de l'Estivada o a l'AG de l'IEO) ? Pr'amor serem melhor que los autes ? Pr'amor partim de mei lunh ?

A lèu.

  • 4
  • 0

Escriu un comentari sus aqueste article