Bandièra01 1180x150: Comuna de Tolosa

Actualitats

Lançament del primèr chèc-libre en occitan

Los escolans de la Nòva Aquitània poiràn beneficiar d’una ajuda de 20 èuros per comprar de libres en occitan

Los joves escolans en occitan de la region dicha Nòva Aquitània recebràn un chèc de 20 èuros per comprar de libres en occitan. L’Ofici Public de la Lenga Occitana (ÒPLO) ven de lançar un dispositiu nomenat Libe-Libre que ne benefícian mai de 2500 escolans de 75 escòlas. Son los enfants escolarizats en seccion bilingüa a paritat orària o immersiva occitana de la region mai occidentala del país.
 
La crompa de las òbras s’efectua sus la basa d’un catalòg ont figura l’ensemble dels títols seleccionats. Las modalitats de crompa son determinadas per l’escòla de l’enfant.
 
Aqueste dispositiu es possible gràcias a un partenariat amb l’associacion de las Librariás Independentas de la Nòva Aquitània (LINA) que recampa mai de 100 librariás aderentas de tota la region. Mas sustot es arribat gràcias a un sosten regional financièr  excepcional de 55 000 èuros.
 
“S’agís d’un dispositiu experimentau, que concernís los dròlles escolarizats en mairau e elementària sus las acadèmias de Bordèu e Lemòtges”, çò explica Charline Claveau, presidenta de l’ÒPLO e conselhièra regionala. “Los ensenhaires e los parents d’escolans nos sollicitavan entà trobar un mejan de los acompanhar entà aquesir òbras en occitan a de fins ludicas, per l’ostau. Dens lo contèxte complicat que coneishen los libraris, un partenariat dab las librarias independentas de la region nos a semblat naturau”.
 
A la fin de l’operacion, l’ÒPLO a previst una avaloracion del dispositiu amb la tòca d’i tornar l’an que ven.
 
Per mai d’informacions consultatz lo sit de l’ÒPLO.

 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Una bona iniciativa per animar a los joves e a la lengo nostro.

  • 5
  • 2
cissonet occitània
3.

Una iniciativa de las bonas ! Iniciar = començar. Esperi que siam pas qu'a la debuta d'una operacion que s'alargarà lèu a d'autras librariàs, regions, ostals d'editcions... dins las annadas que venon

PS : bon dieu, los "haters", aviam dich : pas de comentaris a l'ora de l'aperitiu ! Avètz lo polifenòl maishant !

  • 25
  • 14
Oplo-Libé : Télérama ?
2.

#1 Encara un gadgèt sembla-mediatic d'aquela paura oplo que sap pas pus cossi far per se legitimar.

  • 14
  • 18
JO Tolosa
1.

MDR! Si lo monde ne crompan pas libes en occitan, n'ei benlèu pas per rasons financèras!!!
Soventòtas, los libes occitans que s'apièlan en las bibliotècas deus militants, qui sovent, ne'us legen pas, alavetz en las familhas...los libes auherits per l'oplo que van fenir a las lordèras tanlèu fenit l'ensenhament occitan.

  • 18
  • 19

Escriu un comentari sus aqueste article