Bandièra01 1180x150: Comuna de Tolosa

Actualitats

Nos a quitat Sean Connery a 90 ans

Al total, participèt a 94 filmes en ganhant tres Glòbes d’Aur, dos guierdons de l’Acadèmia Europèa e un prèmi BAFTA

| Wikimedia
Nos quitèt dissabte passat l’actor escocés Sean Connery a 90 ans. Foguèt lo primièr a interpretar James Bond, dins sèt filmes, e puèi tanben joguèt un ròtle màger dins de grands filmes coma Lo nom de la ròsa (1986), Los intocables (1987) ont daverèt l’Oscar del melhor actor e Indiana Jones e la darrièra crosada (1989). Al total, participèt a 94 filmes en ganhant tres Glòbes d’Aur, dos guierdons de l’Acadèmia Europèa e un prèmi BAFTA. En 2003 anoncièt sa retirada del cinèma.
 
 
Partisan de l’independéncia d’Escòcia
 
De prenom gaelic, Sean Connery foguèt totjorn conscient de sa nacionalitat escocesa e militèt al Partit Nacional Escocés (SNP). En 2014 sostenguèt l’òc al referendum d’independéncia: “Coma escocés e coma qualqu’un que pendent tota sa vida a aimat Escòcia coma a aimat l’art, cresi que l’independéncia es una escasença tròp polida que podèm pas mancar”.





 
abonar los amics de Jornalet

 


 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Los melhors James Bond foren los qu' el facet, poei i aguet altres protagonistas, mas pas li doneron la personalitat escaienta que captivava a l' espectador. Adieu Jeims Bond fins la propera.

  • 2
  • 0
Pitaluga
1.

Esser un grand actor empacha pas d'aver una consciéncia que se plega pas obligatòriament al consensus mòl.

  • 6
  • 0

Escriu un comentari sus aqueste article