Bandièra01 1180x150: Comuna de Tolosa

Actualitats

Lo filme Occitan, gardarem la lenga se pòt ara veire sus viàOccitanie

S’agís d’un filme documentari de 52 minutas que presenta la situacion actuala de las lenga e cultura nòstras

Lo filme Occitan, gardarem la lenga de Marc Khanne se pòt veire en accès liure pendent un mes sus viàOccitanie (sus aqueste ligam).
 
S’agís d’un filme documentari de 52 minutas en occitan e francés, sostitolat en francés, que presenta la situacion actuala de la lenga e la cultura occitanas a partir de l’experiéncia personala de “neooccitan” del realizaire, que rescontra los que vivon la lenga. Atal, prepausa un viatge dins la lenga a l’entorn d’ensenhaires, de familhas e joves o d’artistas engatjats pel sègle XXIn en tot mostrar una istòria contrariada mas tanben plena d’esperança. Lo documentari o questiona tot e totòm: “Perqué es tan dur per una aurelha francesa de se confrontar a d’autras sonoritats? Perqué l’occitan es mes en competicion ubuesca amb lo chinés e l’anglés a l’escòla? Cossí ajuda, al contrari, a dobrir la pòrta de la tor de Babèl? E cossí aquesta lenga, qu’es la lenga de còr de nombroses creaires d’uèi, se poiriá arrestar de batre?”
 
Lo filme es produch per Pages & Images amb lo sosten del CNC, de la region qu’a pres lo nom d’Occitània e d’Occitanie Films. Aquesta avantprimièra se ten gràcias al CIRDÒC- Institut occitan de cultura, a Occitanie Films, Pages & Images e viàOccitanie.
 

 

 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

cissonet occitània
3.

#1 per ne saber mai... :

https://www.pulm.fr/index.php/9782367811413.html#desctoggle

https://www.editions-vendemiaire.com/catalogue/collection-echo/la-legende-noire-des-soldats-du-midi/

(mas esperatz deman per legir tot aquò : ara cal sostener los gals de frança contra itàlia... :) )

  • 1
  • 0
artur quintana i font la Codonyera (Aragon)
2.

Que sobra lo francés dins lo film!

  • 3
  • 0
Maignial Galhac
1.

M'a plan agradat la guitarra en forma de crotz occitana :-p
Sabiai pas qu'existiguèsson de letras escritas en lenga occitana dins las trencadas pendent la guèrra. Tota aquela memòria es gaireben escafat.

  • 7
  • 0

Escriu un comentari sus aqueste article