Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'AranQuate Lòcs

Les: son acabats los trabalhs de reabilitacion de la “Casa deth Haro”

Lo sit aculhirà lo centre d’interpretacion de las fèstas localament dichas “hèstes deth huec”

| CCMA
Son acabats los trabalhs de reabilitacion de la “Casa deth Haro” a Les (Quate Lòcs). Lo sit aculhirà lo centre d’interpretacion de las fèstas del fuòc d’Aran e Comenge. La bastissa èra una anciana escòla del començament del sègle XX, qu’après los trabalhs manten son esperit originari. Gràcias a son sistèma de lum, lo sit es plan integrat a la Plaça deth Haro, ont se tròba quilhat lo brandon gaireben pendent tota l’annada.
 
Nomenat “Haro” a Les (Quate Lòcs) e “Taro” a Arties (Arties e Garòs), e “Har” en Comenge, aquel brandon es un dels eiretatges culturals mai reconeguts del patrimòni immaterial d’Occitània. Se tracta d’una fèsta populara a l’entorn del tronc d’avet quilhat e cremat dins la nuèch de Sant Joan en Comenge e en Aran.
 
Localament dichas “Hèstes deth huec”, an pres un vam especial après que l’UNÈSCO las reconeguèt coma patrimòni immaterial de l’umanitat. Al total son reconegudas las “fèstas del fuòc del solstici d’estiu dels Pirenèus” de 36 comunas d’Occitània (en Comenge e Aran), de 14 de Catalonha, de 9 d’Aragon e de 3 d’Andòrra.
 
   

 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article