Bandièra01 1180x150: Comuna de Tolosa

Actualitats

InternacionalSocietat

Haití: avalanca de raubatòris sens precedent

Lo raubatòri de 12 religioses a alertat d’aquel fenomèn criminal. Lo país patís una prigonda crisi politica, economica e sociala

| Lt. Cmdr. Gary Brunette, USCDCP

Tèxte legit

La Conferéncia Episcopala d’Haití anoncièt dimars tres jornadas de barrament d’escòlas, d’universitats e d’autras institucions per exigir la liberacion dels 12 religioses raubats dempuèi lo 10 d’abril.
 
Dempuèi la fin de 2019 Haití patís una avalanca de raubatòris sens precedent. Se produtz de raubatòris jornadièrament e totes los grops de la societat son victimas dels raubatòris, davant l’impoténcia de las autoritats. Ara, lo raubatòri dels 12 religioses a alertat d’aquel fenomèn. Aquel eveniment precipitèt la setmana passada la demission del primièr ministre, Joseph Jouthe, que foguèt remplaçat per Claude Joseph.
 
Haití viu una prigonda crisi politica, economica e sociala, que s’es manifestada per un ajornament de las eleccions, l’aument de l’inseguretat alimentària e l’emigracion de milièrs de personas.
 
Un rapòrt del Burèu Integrat de las Nacions Unidas en Haití enregistra 234 raubatòris senhalats en 2020. Aquela chifra foguèt de 78 de mai dins l’an precedent. Demest las victimas se comptava 59 femnas e 37 menors, çò rapòrta Haiti Libre. A mai, aumentèron tanben los murtres almens d’un 20%.
 
 
 
 
 
 
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Cal pas oblidar que la "patria des dreches de l'òme" faguèt un gèst umanitari quand aculhiguèt jos son ala lo paure Bébé Doc, Duvalier filh, lo dictator.
Tot lo rambalh d'Haiti ven el fach que quand Toussaint Louverture liberèt lo païs, las grandas poténcias, a començar pels Estats Units que crentava qu'aquò donèsse d'idèas a sos esclaus, trabalhèron a la roïna del païs.Volguèron mostrar qu'una "republica de negres" èra pas viabla. Lor botèron l'obligacion de pagar las pèrdas supausadas a l'acian colonizaire amb de somas astronomicas que jamai son estadas revisadas. Aquela mena de deute, dins l'Istòria, s'acaba que se trapa un compromés e que en general s'annulla : per Haiti non.
Alara, de qu'espèran lo Biden e lo Macron, eles que parlan d'aur, per reparar aquel panatòri, un dels mai grands de l'Istòria ?

  • 10
  • 0
Frantz Croix-des-Bouquets
2.

Mèsi pou atik sa a ki pale sou youn nan gro problèm ki ap detwi peyi Haïti

  • 10
  • 0
JC Dourdet
1.

Mercés tot plen per quel article que la situacion en Haïti es terribla. Mon amic haitian viu dins la paur permanenta.

  • 9
  • 0

Escriu un comentari sus aqueste article