Actualitats
Islàndia deurà pas pagar per la falhida de la banca Icesave
Un tribunal europèu refusa la reclamacion del Reialme Unit e d’Olanda dels sòus qu’avancèron als clients de la banca
Lo tribunal de l’Associacion Europèa de Liure Escambi (AÈLE) a donat rason a Islàndia, per refusar de remborsar los estalvis dels clients estrangièrs de las bancas qu’intrèron en falhida en octòbre de 2008, e que demest elas i aviá Icesave. La cort a refusat los arguments presentats pel Reialme Unit e Olanda, que reclamavan los sòus qu’avancèron a lors ciutadans prejudiciats per la falhida.
La decision èra plan esperada per saber se los sòus publics devon servir o non a salvar las bancas de la falhida. Après la falhida de la màger banca privada islandesa, Landsbanki, lo govèrn nacionalizèt urgentament son sistèma bancari, mas poguèt pas garentir los depauses als clients d’Icesave, que fòrça n’èran de britanics e d’olandeses.
Al moment de la falhida, Icesave aviá aperaquí 4 miliards d’èuros en depaus. Los govèrns britanic e olandés avancèron totes los sòus als clients de la banca, mas reclamèron la factura a Islàndia.
Alavetz, Islàndia decidiguèt de consultar per referendum sos ciutadans per prene la decision sul pagament de la factura presentada per los britanics e olandeses. E los islandeses decidiguèron qu’avián pas cap d’obligacion d’assumir lo còst de las pèrdas d’una banca privada.
La Comission Europèa portèt Islàndia al tribunal de l’AÈLE per aver violat la directiva europèa sus gatges de depauses, qu’obliga los estats de garentir un minim de 20 000 èuros als depausants d’una banca en falhida. Mas lo tribunal a donat rason a Islàndia.
La decision èra plan esperada per saber se los sòus publics devon servir o non a salvar las bancas de la falhida. Après la falhida de la màger banca privada islandesa, Landsbanki, lo govèrn nacionalizèt urgentament son sistèma bancari, mas poguèt pas garentir los depauses als clients d’Icesave, que fòrça n’èran de britanics e d’olandeses.
Al moment de la falhida, Icesave aviá aperaquí 4 miliards d’èuros en depaus. Los govèrns britanic e olandés avancèron totes los sòus als clients de la banca, mas reclamèron la factura a Islàndia.
Alavetz, Islàndia decidiguèt de consultar per referendum sos ciutadans per prene la decision sul pagament de la factura presentada per los britanics e olandeses. E los islandeses decidiguèron qu’avián pas cap d’obligacion d’assumir lo còst de las pèrdas d’una banca privada.
La Comission Europèa portèt Islàndia al tribunal de l’AÈLE per aver violat la directiva europèa sus gatges de depauses, qu’obliga los estats de garentir un minim de 20 000 èuros als depausants d’una banca en falhida. Mas lo tribunal a donat rason a Islàndia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Islàndia deuriá mailèu portar Euròpa al tribunal per obligar totes los pòples (amb o sens estat pròpri) a pagar amb moneda publica per salvar de bancas privadas que s'embucan sus son esquina, amb prèstes usurièrs.
«La Comission Europèa portèt Islàndia al tribunal de l’AÈLE per aver violat la directiva europèa sus gatges de depauses, qu’obliga los estats de garentir un minim de 20 000 èuros als depausants d’una banca en falhida. Mas lo tribunal a donat rason a Islàndia.»
>> e que son vengut los depauses des islandeses ? Son estat perduts ? Oo
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari