Bandièra01 capçalera  1180x150: Novestivada

Actualitats

Xàtiva: Primaël Montgauzí a ganhat tres prèmis al festenal MiL

Lo cantautor gascon a daverat lo prèmi de la melhora cançon en catalan, de la melhora musica e mai lo prèmi del public

Tèxte legit

Lo cantautor gascon Primaël Montgauzí a ganhat tres prèmis al concors de cançon d’autor del festival Música i Lletra (MiL) de la vila de Xàtiva en País Valencian amb una cançon siá en catalan, çò rapòrta València Extra. Montgauzí a emportat lo primièr prèmi, lo prèmi “Al vent”, per la melhora cançon en catalan, lo prèmi de la melhora musica e lo prèmi del public, aqueste dissabte 29 de mai 2021, dins la sala del Grand Teatre de Xàtiva.
 
Lo concèrt de la finala reüniguèt cinc finalistas qu’interpretèron cadun sa compausicion davant un public vengut nombrós dins l’anfiteatre de la vila.
 
Après sa prestacion, e pendent que la jurada comptabilizava los vòtes, lo “charrautor” valencian trufandièr Toni de L’Hostal balhèt un espectacle de tria sus l’empont, entre cant e devises umoristics. Cantèt tanben una cançon en occitan.
 
Originari d’Aush, Primaël Montgauzí compausa e canta sas cançons en gascon, en francés, en francitan, en catalan e en arabi, en sòlo o en duo dins lo grop Noubalòtcha amb lo musician Chokri Trabelsi. Foguèt ja laureat del Petit Festival de Benicarló en 2017 e medalhat dos còps per l’Acadèmia dels Jòcs Florals de Tolosa en “cançon poetica” en 2017 e 2019. Sas cançons se pòdon descobrir sus YouTube e Soundcloud o sus son blòg primaelmontgauzi.com.
 
 
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Pensatz amics que s'an de poder dire aquestas causas a Jornalet, al cap i a la fin tots volem lo melhors per l'Occitan. E la veritat es que no n'estic segur d'aver escoltat la fonetica de las cançons premiadas. Però me sembla estranhs qu' aja cantat amb una fonètica patuesa poguent emprar la fonètica valenciana igual a la dels Trobadors ? La belesa sempre venç, e mai prest o mai tard vencerá; coma sabetz la lenga d' Aran té una fonètica molt bona coma la dels Trobadors, aital deia Corominas lo famós filòleg catalàn., e avem l'obligacion als territoris de la Generalitat d'emprar la fonetica dels occitans d'Aran, per ajudar los a que se parle sa lenga e perquè conservan la fonetica fina dels Trobadors, qu'es tanben la dels Països Catalans. Avem de parlar l'Occitan amb la fonetica d'Aran.

  • 4
  • 8
francesc palma
3.

Un bon cantant, amb bona musica, bonas letras e mala fonètica. Ve't aqui ? Non arribarà molt enfora se non canvia a la fonètica classica dels Trobadors.

  • 7
  • 25
J.Japoda
2.

Felicitacions au cantaire gascon Primaël! Sustot, que'm sembla drin estremat deus emponts occitanistas e totun, qu'a mei de talent que la màger part deus grops o cantaires estampilhats.
N'a pas la carta deu club o qué?

  • 23
  • 20
P. Pojada
1.

Òsca! Prèmi segurament meritat per un plan bon cantaire occitan, e en occitan, qu'agègui l'astre de véser en concèrt: un moment que se pòt pas desabrembar de tanta fòrça que i aviá dins la sieu interpretacion, de tanta poesia, de tanta polidesa. D'escotar sense relambi e sense moderacion.

  • 33
  • 0

Escriu un comentari sus aqueste article