Bandièra01 1180x150: Comuna de Tolosa

Actualitats

PoliticaSocietat

De manifestacions per tot l’estat francés contra lo passapòrt sanitari

En Occitània, las manifestacions mai nombrosas èran a Marselha, Montpelhièr e Tolosa

| Maxppp / France Info

Tèxte legit

De milièrs de personas manifestèron durant la dimenjada passada per tot l’estat francés contra lo passapòrt sanitari e la vaccinacion obligatòria que l’anoncièt lo president, Emmanuel Macron, lo 12 de julhet passat. En Occitània, las manifestacions mai nombrosas èran a Marselha, Montpelhièr e Tolosa. Pels manifestants, se pòt pas acceptar que totas las personas de mai de 12 ans degan presentar un certificat de vaccinacion o un provament negatiu de covid-19 per intrar dins un espectacle, un pargue d’atraccions, un concèrt, un festenal... Segon Macron, a partir d’agost aquò serà necite per intrar dins los restaurants, centres comercials, avions, trens, espitals...
 
Aquelas mesuras se votèron divendres a l’Assemblada Nacionala francesa, amb lo sosten de 117 deputats e lo vòte contrari de 86. Tanben las votèt lo Senat, mas amb de diferéncias qu’an pas empachat un acòrdi definitiu de las doas cambras.
 
Segon de donadas de la polícia, las manifestacions an amassat un total de 100 000 personas en despièch del risc de s’infectar de la covid-19. A París, i aguèt d’afrontaments amb la polícia qu’empleguèt de gases lacrimogèns contra los manifestants. A mai, segon Le Figaro, divèrses agents foguèron atacats amb de projectils.

 
 
 
 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc palma
10.

No s'o an de prendre per mal. Tots los qu' estan vacunats lo tenen o lo poden demandar en qualsevol moment. Mas los que non es volen vacunar los conven vacunar-se. Avem d'estar tots units e vencer a la pesta. I a personas qu'encara tenen paur de se vacunar, mas las cal animar que non passa res e puei estaran mai tranquil·las. Endavant !

  • 4
  • 0
MOSCA CANHISCA
9.

#8 Ataca personau completament gratuita, com sovent malurosament suus comentaris de Jornalet. En generau, que vienen de tipes qui n'an pas arren a díser e incapables d'argumentar. Ací, que's coneish que n'avetz pas solament comprés lo sens de la mia intervencion #7.

  • 3
  • 2
Ultimate Fly Tox
8.

#7 N'i a de moscas que son atraigudas per las odors de femorièr, d'autras lo son saique per aquelas de la "Cīvitās Erōtica Sēnsuālitātis", vertat ?

  • 3
  • 2
MOSCA CANHISCA
7.

#6 "Val pas la pena de pèrdre son temps e son energia amb de manipolaires-provocators coma aquel AMICUS MACRONIS ." Qu'ei çò qui hètz, per aquò.

  • 1
  • 4
Salubritat Occitana
6.

Val pas la pena de pèrdre son temps e son energia amb de manipolaires-provocators coma aquel AMICUS MACRONIS . Es pas aqui per debatre, reflexionar o perpensar. Son plaser grandàs es de vos atissar amb lo simbèu d'aquel Macroconàs per vos far virar en borrica. Gardatz-vos plan de vos agantar dins las trapèlas d'aquel malaut !

  • 12
  • 1

Escriu un comentari sus aqueste article