Bandièra01 capçalera  1180x150: Botiga

Actualitats

Pojarà lo prètz del vin e de la frucha a causa del temps

Las geladas d’abril, las pluèjas de julhet e las caloradas an fòrça reduch las culhidas e las segadas del blat

| PhotoMIX-Company

Tèxte legit

Puèjan los prètzes dels fruches, ortalissas, legums e vins a causa del cambiament climatic. Las torradas de la prima, las pluèjas inabitualas de julhet e las caloradas an fach fòrça caire lo rendement de las recòltas, çò rapòrta La Dépêche.
 
Ja en abril passat raportàvem de pèrdas inquietantas per la produccion de mèl. Ara, lo Ministèri de l’Agricultura francés anóncia una diminucion d’entre lo 24% e lo 30% de la culhida del rasim, a respècte de las annadas precedentas. Lo servici de l’estatistica del ministèri, dich Agreste, estima una “produccion viticòla istoricament bassa”.
 
D‘autres produches poirián experimentar tanben lo meteis sòrt. Las torradas d’abril afectèron los arbres fruchièrs del país, especialament los albricòts que lor recòlta se prevei demesida d’un 54% per rapòrt a la mejana dels ans 2016-2020.
 
E encara la recòlta del blat s’es vista complicada pels azards metereologics. Las pluèjas de julhet ne dificultèron fòrça la segada, mai que mai se prenèm en compte que per poder segar cal entre 3 e 4 jorns consecutius de temps sec.



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article