Bandièra01 capçalera  1180x150: Novestivada

Actualitats

Vielha: eth campanau s’illuminarà de blu ena ocasion deth Dia Internacionau dera Educacion Sociau

“Non calie ua pandemia entà demostrar qu’ena vida vidanta era educacion sociau ei ua profession essenciau”, ce ditz eth CESC

Tèxte legit

Eth campanau dera glèisa de Vielha s’illuminarà de blu aué dissabte ena ocasion deth Dia Internacionau dera Educacion Sociau. Atau, eth consistòri aderís era accion proposada peth Collègi d’Educadores e Educadors Sociaus de Catalonha (CEESC) entà visibilizar era òbra qu’a amiat a tèrme aguest collectiu pendent eth temps de pandemia. En Catalonha, 27 municipalitats seguissen aquera crida.
 
Damb aquera accion, eth CEESC hestege tres efemerides. D’un costat, eth 2 d’octobre qu’ei eth dia internacionau dera educacion sociau, der aute enguan se hestege eth 30u anniversari dera creacion des estudis universitaris d’educacion sociau e tanben es 25 ans qu’eth Parlament de Catalonha aprovèc era creacion deth CEESC.
 
“Non calie ua pandemia entà demostrar qu’ena vida vidanta era educacion sociau ei ua profession substanciau, fonamentau, radicau entà acomplir es drets des ciutadans”, ce ditz eth CEESC en sòn manifèst. A mès, que lance un messatge d’alarma a causa dera “inestabilitat, era temporalitat, es condicions de trabalh, era manca de personau e era manca de recorsi que tròbe era majoritat des professionaus", que son en un 80% hemnes.
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Aquesta terra es nòstra terra
Des de Niça fins a Bordèu
Des de Lemòtges fins Alacant
Ela es nòstra de veritat

E es nòstre lo cel e es nòstre la mar
E aquestes sarrats e aquestas vals
Las oliveras e los camps de blat
Ela es nòstra de veritat

Aquesta terra es nòstra terra
Des de Niça fins a Bordèu
Des de Lemòtges fins Alacant
Ela es nòstra de veritat

Degun pòt jamai m'aturar
Quan camin per camins de libertat
Degun pòt jamai me far tornar enrera
Ela es nòstra de veritat

Aquesta terra es nòstra terra
des de Niça fins a Bordèu
Des de Lemòtges fins Alacant
Ela es nòstra de veritat

Tant si fa bon coma s' i a tempèsta
Tant se fa fred coma se lo solei crema
Tant se fa vent coma s' està calmat
Ela es nòstra de veritat

Aquesta terra es nòstra terra
Des de Niça fins a Bordèu
Des de Lemòtges fins Alacant
Ela es nòstra de veritat.

Woody Guthrie

  • 2
  • 0

Escriu un comentari sus aqueste article