Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

La comuna de Pau ensaja d’asfixiar la Tor deu Borrèu

An barralhat lo plan davant la pòrta del local per i installar de material de trabalhs en daissant pas quitament pro d’espaci per que s’accedisca a la pòrta

Tèxte legit

La Tor deu Borrèu patís un nòu secutament. L’emblematic sit de Pau, ont de joves e mens joves partejan l’occitan e las luchas socialas e politicas, s’es trobat amb lo fronton davant la pòrta barralhat per que s’i installe qualques pèças d’enart, en daissant lo local sens terrassa ni a pena pro de plaça per accedir a la pòrta.
 
“Tant de mètres carrats condemnats entà tant pòc de materiau. On e’ns devem installar la terrassa? Çò que n’ei de la seguretat de la gent qui vòu entrar a la Tor? Quin indicar que —darrèr de tota aqueste rambalh— e i a un locau politicoculturau obèrt?”, çò se demanda la còla de la Tor deu Borrèu dins un comunicat ont se planhon d’èsser pas estats avisats e que cap de concertacion siá pas estada menada.
 
Delà dels nombroses senhalaments de la Comuna, la Tor deu Borrèu a patit de devises difamatòris, de violacions de la vida privada, d’agressions verbalas, de menaças psicologicas e de mòrt, de vandalisme d’inspiracion faissista...
 
Nascuda en 1992, la Tor deu Borrèu se bat per contunhar d’èsser un endrech d’amassada de l’esquèrra revolucionària occitana, ont los joves tròben un luòc de luchas socialas e politicas. Delà l’engatjament politic es tanben un estanquet ont se pòt parlar la lenga e ont la cultura del país a una plaça per se manifestar sens cap de complèxe, ont de joves e de vièlhs pòdon rompre amb la solesa de cada jorn per tornar trobar lo gaug de partejar un veire, una musica o una experiéncia.

 

 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jessie
4.

#1 Visca Poton!! No pasaran!!

  • 3
  • 0
Jessie
3.

#1 Visca Poton!! No pasaran!!

  • 3
  • 0
"Très Riches Heures de la Tour des Bureaux" ?
2.

#1 ???? Aqui nos fasètz de primièr, de segond, de tercen, de quatren o de cinquen degrat ???

  • 5
  • 0
François
1.

Cet endroit est un repaire de jeunes délinquants d'extrême gauche.
Il doit être fermé, condamné, démoli ou ce que vous voudrez.
Mais qu'on vire cette racaille qui veut faire la révolution chez nous !
On n'est pas à Barcelone ni à Cuba, on est en France nom d'un chien !

  • 2
  • 23

Escriu un comentari sus aqueste article