Bandièra01 capçalera  1180x150: Novestivada

Actualitats

L’IEO Federau contunha

A maugrat deus chepics provocats per una situacion drin preocupanta, l’IEO Federau a demostrat una cèrta volontat de contunhar l’òbra engatjada en 1945

A maugrat deus chepics provocats per una situacion drin preocupanta (estanc de las subvencions de l’OPLO qu’estoc l’encausa de la pèrda d’un pòste de director salariat, president demissionari), l’IEO Federau demostrèc una cèrta volontat de contunhar l’òbra engatjada en 1945 dens sa darrèra amassada generala deu 17 d’octobre dens la sala Lafage de Tolosa.
 
Se lo nombre de participants presents èra haut o baish lo medish que non pas las autas annadas, los poders balhats per los que’s podèvan pas desplaçar (mès de 100), muishèc l’interès hòrt deus sòcis de l’institut de çò que l’accion miada s’acabe pas pr’amor de problèmas que son pas, fin finala, que passadisses.
 
Après una charradissa suu ròtle navèth que jogaràn los benevòles dens l’organizacion navèra en remplaçament de las atribucions deu director, la lista deus volontaris que’s presentèn au conselh d’administracion estoc fixada a 12 personas. Estón totis elegits a l’unanimitat deus sòcis presents.
 
S’amassèn de tira un còp l’AG acabada ende elegir lo burèu navèth.
 
Quitament se tot es pas reglat, s’agís totun d’una novèla de las bonas per l’occitanisme.
 
 
 
 
Joan Marc Leclercq



abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ingenhaire territorial
9.

#5
Sui pas mèi a l'IEO desempui 4 ans e recebi tendent lo programa "deu hestenau".

  • 0
  • 0
Amans Puech Rodés
8.

#6 Quand ère de l'IEO, i avia pas de seccions dins Gèrs, ni mai grand causa per l'extrème nòrd : Alièr, Crusa, Isèra... e d'unas seccions coma la del 46 avain pas qu'una existencia teorica.

  • 8
  • 0
Farfaneta
7.

#1 Lo o la president(a) serà elegit (da) al primièr CA venent coma dins cada associacion.

  • 7
  • 0
ltrobat
6.

#3
Que hè bèra pausa (un detzenat d'annadas haut o baish) que n'i a pas mei nada seccion de l'IEO en Biarn.

  • 5
  • 0
ingenhaire general 2
5.

#4 soi sòci de l'IEO e m'an pas balhat aquelas informacions

  • 5
  • 0

Escriu un comentari sus aqueste article