Actualitats
L’UE refusa de compensar los estats paures per l’escalfament climatic a causa de sas emissions
Brussèlas rebuta una negociacion sus la reparacion mas accèpta de debatre sonque de las ajudas a l’adaptacion
Tèxte legit
L’Union Europèa barra la pòrta a compensar los estats paures afectats pel cambiament climatic a causa de sas emissions. Los païses en desvolopament reclaman d’indemnizacions per las pèrdas e pels damatges, mas los païses rics que, istoricament, an contribuit mai a l’escalfament global, vòlon pas quitament negociar una reparacion mas accèptan lo debat sonque sus las ajudas a l’adaptacion. Lo cap negociaire de la Comission Europèa a la 26a Conferéncia Mondiala del Clima (COP26), Jake Werksman, a assegurat que se negociariá pas cap de compensacion.
Werksman a remarcat qu’a la COP25 se rebutèt aquela opcion e que las convèrsas de la COP26 de Glasgow “se desviarián pas”, en despièch de l’insisténcia dels grops ecologistas e dels païses paures mai afectats per las catastròfas causadas per l’escalfament global.
Werksman a remarcat qu’a la COP25 se rebutèt aquela opcion e que las convèrsas de la COP26 de Glasgow “se desviarián pas”, en despièch de l’insisténcia dels grops ecologistas e dels païses paures mai afectats per las catastròfas causadas per l’escalfament global.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari