Bandièra01 1180x150: Comuna de Tolosa

Actualitats

De liceans “ambaissadors de la lenga occitana”

L’Ofici Public de la Lenga Occitana a entamenada una campanha per encoratjar los liceans qu’aprenon l’occitan a sensibilizar lors camaradas

Tèxte legit

Dins son estrategia per encoratjar los liceans a aprene l’occitan, l’Ofici Public de la Lenga Occitana a entamenada una campanha dicha “Liceans ambaissadors. Se tracta d’una candidatura, adreiçada als licèus de las acadèmias (circonscripcions escolaras) de Bordèu, Lemòtges, Montpelhièr e Tolosa, per tal d’identificar de liceans qu’aprengan l’occitan e qu’acceptarián de venir “ambaissadors de la lenga occitana”. Aqueles joves “ambaissadors” deuràn anar trobar lors camaradas per lor parlar de lor percors, portar un regard nòu sus la transmission de la lenga e prepausar un projècte comun de sensibilizacion a la lenga occitana. Mai o mens una desena de joves seràn triats e convidats a participar a mai d’un escambi dins l’annada. Beneficiaràn d’un acompanhament personalizat e veiràn lor engatjament valorizat.
 
Segon l’ÒPLO, cada annada mai de 15 000 escolans fan lor rintrada en occitan dins una classa bilingua o immersiva. Al licèu en 2021-2022, an comptat un total de 64 establiments que prepausan l’occitan coma opcion dins las regions sonadas Occitània e Nòva Aquitània.



 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   



 abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alex S
22.

Una idèa de las bonas...

  • 0
  • 0
Pitaluga
21.

#20
Al vent, la cara al vent,
al vent del mon.
I tots, tots plens de nit
buscant la llum.

Raimon

  • 0
  • 0
De vent e encara de vent !
20.

L'OPLO es una engana dempuèi qu'es dirigit per quauqun que charra pas un mot d'occitan e que jutja qu'es pas la pena de lo saupre o de l'aprène per lo promoùre. Totas sas campanhas "tusta-a-l'uèlh" son a l'imatge d'aquela andana fantasierosa. Lo vuège adicionat o multiplicat amb de vuège, e ben pecaire, dona pas res !

  • 6
  • 2
JC Dourdet
19.

#16 Un pitit mot sus lo non-esper maugrat que siá pas lo subject. Sei pas "ataraxic" lol malurosadament. Cresetz que qu'es fatalista lo biais de veire sens se far d'illusion? Pertant, qu'es mas coma ditz Melhau: "L'i a mas far e veiram ben", ren mai. Si l'i vesetz un fatalisme... Mas ma fe, vos vòle pas mau, fatz a vòstra mòda, e ieu fau au meu, qu'es tot. La situacion de la linga d'òc vos sembla en bona via? Segur, l'i a de las bonas iniciativas deçai-delai coma dins l'entrevisda de Clara Wendling mas cresetz 'raiment que sirá pro per "sauvar" la linga? La linga es quitament mòrta e es plan mòrta dins mantuns ranvers (té, sus lo planetge de Miuvachas, l'i a tot plen de comunas ente l'i pus p'un locutor), me fai degreu, qu'es tot.

  • 0
  • 0
JC Dourdet
18.

#16 Aver l'idéia de sauvar la linga o ne'n pas aver l'idéia chamnha ren au resultat. Lo tot, qu'es de far çò qu'un crei bon de far, IMHO, e sabetz çò que fau per la linga? Sens illusion pasmens, qu'es tot. L'i a pas d'escòla en Lemosin manca la Calandreta, òc-ben, qu'es 'na rason e donc? La fauta aus Lemosins queraque que fan pas pro per la linga? Coneissetz l'istòria de la situacion en Lemosin? Atz mas legir lo blòg de l'amic Joan-Peire Cavaillé (Mescladís e còps de gula) e veiretz que la situacion es catastrofica dempuei de las annadas e de las annadas (mercés a l'Acadèmia de Limòtges).

  • 1
  • 0

Escriu un comentari sus aqueste article