Bandièra01 capçalera  1180x150: Novestivada

Actualitats

La Passem se debanarà del 2 al 5 de junh e traversarà las Lanas, lo Bas Ador, Bigòrra e Bearn

L’associacion Ligams a presentada l’edicion d’ongan e lançada la crompa dels quilomètres, per sosténer la corsa per la transmission de la lenga occitana

Tèxte legit

Torna La Passem, la corsa per la transmission de la lenga occitana. Diluns passat, l’associacion Ligams presentèt l’edicion 2022 e se lancèt la crompa dels quilomètres, per sosténer la corsa, qu’ongan se pòdon crompar per bulletin de papièr, per mejan d’aqueste desplegant, o ben en linha sul sit lapassem.com.
 
La corsa, ongan, se debanarà del 2 al 5 de junh e percorrerà 600 quilometres de Sent Martin de Senhans fins a Pau en traversant las Lanas, lo Bas Ador, Bigòrra e Bearn.



La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa, plens d’animacions. La primièra edicion de La Passem se tenguèt amb grand succès en Bearn en 2018 e arribèt d’amassar 48 000 èuros que financèron uèch projèctes per la lenga occitana.

En 2020, èra previst que la corsa percorreguèsse Bearn, las Lanas e Bigòrra e mai tanben contunhèsse en Roergue, mas, a causa de la covid-19, se'n faguèt una version “confinada” mas amb una creativitat tala que, malgrat la separacion fisica, se capitèt a far de ligams dins lo Mond entièr.

 
 
 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jean-Jacques Dufoin
9.

#6
E doncas *administracion > ADMINISTRICION, en tota logica.
E *associacion > ASSOCIICION (de mal redigir e prononcir, doncas cal preferir: SOCITGE, ASSOCIMENT)

  • 5
  • 1
Thierry Savigny
8.

#7 "Lo qui vòu apréner a nadar aus peihs qu'a de s'informar abans de har deu professor."

En occitan correct : "Lo qui vòu APRENIR a NADIR aus peihs qu'a de s'INFORMIR abans de HIR deu professor."

  • 7
  • 6
ltrobat
7.

#6 Nani. Los vèrbes en -ir que son deus rars en gascon. A noste, ENTRAR qu'ei ua fòrma correcta.
https://locongres.org/fr/applications/dicodoc-fr/dicodoc-recherche?option=com_dicodoc&view=search&Itemid=683&type=fr-oc&dic%5B%5D=PNST&q=entrer&q2=&submit=Rechercher

Lo qui vòu apréner a nadar aus peihs qu'a de s'informar abans de har deu professor...

  • 8
  • 0
Thierry Savigny
6.

#3 "que podetz aderir a l'associacion e entrar dens lo conselh d'administracion"

* en bon occitan : que podetz aderir a l'associacion e ENTRIR dens lo conselh d'administracion."

  • 5
  • 11
Mai Republica es abordida mai legiférís !
5.

#3

I a pas a repotegar !

i a sonque de far coneisser, d'explicar los projèctes, las empresas fachas, las que son de far. cal de comunicacion, presentar resultas, far vèire que darrèr il a de mond al trabalh.

Tot aquò deuriá èsser dich cada còp enquèra e enquèra a cada quilomestre de la nòva la passem.

  • 4
  • 0

Escriu un comentari sus aqueste article