Actualitats
S’alestís un obratge sus las femnas al Felibritge
L’òbra se presentarà en junh que ven a la Santa Estela d’Arle e se pòt aquerir per soscripcion
Tèxte legit
Se publicarà lèu un obratge en francés sus las femnas en Occitània e al Felibritge. L’obra, entitolada Les femmes et le féminin en terre d’Oc et au Félibrige, serà presentada al començament de junh dins l’encastre de la Santa Estela a Arle.
S’agís d’un libre d’aperaquí 600 paginas escrich per divèrses autors jos la coordenacion de Romièg Fuentes. Conten una dotzena de capítols devesits en tres partidas: lo contèxt sòciocultural, los mites e las tradicions occitanas e de la literatura felibrenca e l’istòria felibrenca al femenin e en son contèxt.
Se pòt ja aquerir per soscripcion al prètz de 35 èuros. Puèi, quand serà publicat, se vendrà al prètz de 40 èuros.
S’agís d’un libre d’aperaquí 600 paginas escrich per divèrses autors jos la coordenacion de Romièg Fuentes. Conten una dotzena de capítols devesits en tres partidas: lo contèxt sòciocultural, los mites e las tradicions occitanas e de la literatura felibrenca e l’istòria felibrenca al femenin e en son contèxt.
Se pòt ja aquerir per soscripcion al prètz de 35 èuros. Puèi, quand serà publicat, se vendrà al prètz de 40 èuros.
FUENTES, Roumié (coordinator) e divèrses autors. Les femmes et le féminin en terre d’Oc et au Félibrige . Edicioun dóu Felibrige, 2022. Aperaquí 600 paginas. 35 èuros per soscripcion. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Per passar majorala e presidenta o qué que siá, nos basta de complir d'òbras literàrias comparablas a la de la grand Marcèla Delpastre, en quantitat e, mai que tot, en qualitat. Es pas mai complicat qu'aquò. Se nos trobam cinquanta Delpastre cada sègle, parlarem pas mai que de femnas, e los òmes ne prendràn sa leiçon.
Se volem ´ribar a transformar las chausas, en quela jornada daus drechs de las femnas, faudriá desjà començar per arrestar de laissar nonmàs un ròtle de reina de la felibrejada a las femnas, e donca un ròtle de figurantas inutilas, mentre que lo ròtle de majorau dau felibritge, donca intellectuau, es laissat, fora quauquas excepcions, aus òmes…
Un obratge sus las hemnas...probable non serà pas espés de tròp si son eras qui s'exprimeishen!
Qu'avem de qué téisher sus aquera question! sustot en lo monde occitanista, de qui tròbi pro sexista jo. Sus jornalet per exemple, que s'exprimeishen quasi sonque los òmis blancs (d'un cèrt atge mei sovent) .
Causa parièra en çò deus vesins, los militants que'n hèn gran cas! Mes a lor, que s'estàn muts...
Hèra que's trufan deu vielhèr en çò deus ''concurrents'' per exemple, e totun...que serén avisats de s'encuentar de la lor pròpia capèra, on senhorejan las discriminacions e la trafiquejada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari