Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaLanas e LabritBaish Ador

Biàrritz: an ocupat l’ostal de luxe de l’èx-gendre de Putin

Los activistas volián preparar lo sit per aculhir de refugiats ucraïneses. Los an arrestats e plaçats en gàrdia a vista “per violacion de domicili”

Tèxte legit

An detengut tres activistas qu’intrèron aquesta dimenjada dins l’ostal de luxe de Kiril Shamalov, èx-gendre de Putin, a Biàrritz. Avián ocupat l’ostalàs amb la tòca de la preparar per aculhir de refugiats ucraïneses. Los detenguts son Pierre Haffner, activista conegut del movement dels Gilets Jaunes, lo refugiat politic rus Sergei Savelyev e lo refugiat bielorús Slavik Krivonosenko. Diluns, foguèron plaçats en gàrdia a vista.
 
An dobèrt contra eles una enquista per violacion de domicili”. Pasmens, “pensavan pas d’enfrànher la lei”, çò precisa a Libération Vladimir Osechkin, president de la New Dissidents Foundation, creada en 2021 per de refugiats politics russes en Bas Ador. “Pensavan totes tres qu’aquel ostal èra jol còp de las sancions contra Russia e que lo proprietari aviá pas pus de drech”, çò assolida. La tòca èra clara: “Vesitar lo sit e lo preparar per poder aculhir de refugiats ucraïneses”.
 
La primièra esposa de Vladimir Putin, Lyudmila Putina, e son segond marit, Artur Ocheretni, an tanben un ostal de luxe a Anglet. Dins los primièrs jorns de l’invasion d’Ucraïna i apareguèron de tags contra Putin e en favor d’Ucraïna.
 
 
A Londres
 
Tanben al centre de Londres son intrats dins l’ostalàs de l’oligarca rus Oleg Derispaska. Un grop d’activistas ocupèron lo sit diluns coma accion de protèsta contra la guèrra.
 
Sus la faciada de l’ostal, pengèron de bandièras ucraïnesas e d’afichas amb de messatges coma “aquesta proprietat es estada liberada”, e butèron los passejaires a jónher la protèsta. L’edifici se tròba sus l’exclusiva Plaça Belgravia, près de divèrsas ambaissadas estrangièras, dins un dels quartièrs mai cars de la capitala anglesa.

 

 
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Delbòsc
1.

Vertat es que s'èra un paure vièlh qu'aviá son ostal "esquatat" per de "migrants" (coma dison...), i auriá pas agut de problèmas de legalitat. Sancions...

  • 3
  • 5

Escriu un comentari sus aqueste article