Bandièra01 capçalera  1180x150: Novestivada

Actualitats

Putin se fa un banh de fola dins un miting en favor de l’invasion d’Ucraïna

Entitolat “Concèrt per un Mond sens nazisme, per Russia, pel president”, l’eveniment recordava l’8n anniversari de l’annexion de Crimèa

Tèxte legit

De desenas de milièrs de personas an participat dins l’estadi Luzhniki de Moscòu a un acte de propaganda de Vladimir Putin, ont an agut luòc qualques concèrts e lo president rus a parlat en favor de l’invasion d’Ucraïna. L’eveniment, entitolat “Concèrt per un Mond sens nazisme, per Russia, pel president”, se tenguèt divendres passat, en remembre del 18 de març de 2014, quand Russia annexèt Crimèa e la vila de Sebastòple.
 
Los imatges de l’eveniment qu’avèm vist suls rets socials mòstran l’estadi tot plen de mond que brandisson de bandièras russas, del temps que los ecrans afichan d’imatges contra Ucraïna. Segon lo correspondent del Financial Times a Moscòu, l’organizacion a alestit d’autobusses per menar a l’estadi d’emplegats estatals de tota Russia, per assegurar un eveniment nombrós.
 
Los quites organizaires an raportat la preséncia d’unas 100 000 personas dins l’estadi e aperaquí 400 000 a l’exterior.

 
 
 
 
 
 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Delbòsc
4.

Agir contra lo nazisme pel mejan de la politica exteriora del nazisme. Es coërent.

  • 0
  • 0
Mai Republica es abordida mai legiférís !
3.

çai-jos l'imne nacional dels Tatars de Criméa : "Ant Etkenmen"

"Ant Etkenmen"

M'èri doblidat lo ligam.... aqui l'avetz monde

https://www.youtube.com/watch?v=mGOpCWx8BvM

La bandièra dels Tatars de criméa Blau ambe lo "Tamga" d'aur.

  • 0
  • 0
Mai Republica es abordida mai legiférís !
2.

çai-jos l'imne nacional dels Tatars de Criméa : "Ant Etkenmen"

"Ant Etkenmen"

La bandièra dels Tatars de criméa Blau ambe lo "Tamga" d'aur.

  • 0
  • 0
Mèfi! 31
1.

Romanizacion dels noms russes de personas o luòcs
Russia s'es orientada sus una transcripcion (non pas translitteracion) basada sus la fonetica anglesa.
Sembla que Jornalet auja adoptat aquesta forma.
Seria benlèu util de marcar l'accent tonic... Pútin...
Se que de non, Moscòu se ditz Mòscva..

  • 2
  • 0

Escriu un comentari sus aqueste article