Bandièra01 1180x150: Comuna de Tolosa

Actualitats

Internacional

Tragèdia aeriana dins lo sud de China

Un Boeing 737 es tombat amb 132 personas a bòrd

“L’avion es estat pulverizat”, çò contava un abitant del parçan a un mèdia local. Lo cratèr que l’a daissat l’impacte fa pensar que l’aparelh es tombat tot drech
“L’avion es estat pulverizat”, çò contava un abitant del parçan a un mèdia local. Lo cratèr que l’a daissat l’impacte fa pensar que l’aparelh es tombat tot drech

Tèxte legit

Tragèdia aeriana al sud de China. Un Boeing 737 de la societat China Eastern Airlines s’escrachèt ièr amb 132 personas a bòrd, dont 123 passatgièrs e 9 membres de l’esquipatge.
 
L’aeronau fasiá lo trajècte entre las vilas de Kunming e Guangzhou e aviá sèt ans d’ancianetat. Lo seguiment del vòl per radar s’interrompèt sul pic après 1h10 de son enaurament, mentre que volava a 700 Km/h. Aviá començat de pèrdre d’altitud. Seriá tombada de 8000 mètres. L'accident a "provocat un incendi" dins la montanha que los pompièrs an amortat pus tard. “L’avion es estat pulverizat”, çò contava un abitant del parçan a un mèdia local.
 
Lo president chinés, Xi Jinping, diguèt qu’èra “jol chòc” e demandèt que se determinèsse las causas de l’accident al mai lèu possible.
 
China Eastern Airlines an cambiat en negre e blanc las colors de totes sos sits web, coma senhal de dòl per la tragèdia. A mai, segon lo mèdia financièr Yicai, la companhiá China Eastern a decidit de suspendre totes sos Boeing 737-800 a partir de uèi dimars, sens esperar los resultats de l'enquista.
 

 
 
 
 
 


abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article