Bandièra01 capçalera  1180x150: Novestivada

Actualitats

Barcelona: de militants pel catalan an envasit dos restaurants qu’avián pas la carta en catalan

Pendent l’accion, s’es fach mai de 50 denóncias per mancament als dreches lingüistics dels clients

Pendent l’accion, se faguèt mai de 50 denóncias per mancament als dreches lingüistics
Pendent l’accion, se faguèt mai de 50 denóncias per mancament als dreches lingüistics | Plataforma per la Llengua

Tèxte legit

Accion dels activistas pel catalan contra dos restaurants de Barcelona que mesprèsan la lenga. Una seissantena d’activistas de Plataforma per la Llengua se mobilizèron lo 18 de febrièr passat per denonciar lo mancament als dreches lingüistics dels catalanofòns dins dos restaurants barceloneses.
 
L’associacion que se bat pel catalan causiguèt per l’accion dos restaurants que fan partida de grandas entrepresas amb pro de ressorsas per prepausar un servici als clients en catalan mas qu’o vòlon pas far. Pendent l’accion, se faguèt mai de 50 denóncias per mancament als dreches lingüistics e ara l’administracion catalana a entamenat lo procès de denóncia administrativa contra los dos establiments. Ara Plataforma per la Llengua espèra qu’aquelas doas societats rectificaràn e metràn a la disposicion dels clients la carta en catalan, coma o establís la lei en Catalonha.
 
La primièra accion se tenguèt al restaurant Five Guys. A partir de 20h, una cinquantena d’activistas intrèron gradualament dins lo restaurant en grops de dos o de tres personas, demandèron la carta en catalan e quand se lor disiá que i èra pas exigiguèron los fuèlhs de reclamacion, çò que l’establiment quitèt pas de refusar. Alavetz los activistas presentèron de formularis qu’eles meteisses portavan mas que los volián pas acceptar los emplegats. Enfin, los emplegats de l’establiment sonèron la polícia que, quand arribèt, diguèt a l’establiment que deviá acceptar aquels fuèlhs de reclamacion.

Lo segond restaurant èra lo Surf House. Aquí, una quarantena de personas assetats a diferentas taulas reclamèron la carta en catalan. A la diferéncia del primièr restaurant, si que foguèron acceptats los fuèlhs de reclamacion.
 
Plataforma per la Llengua a son sit web en quatre lengas, dont l'occitan.
 


 

 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles paîsos valencians
18.

#14
visca

  • 0
  • 0
Andreu SERRADELL CADORS Garona Nauta Occitània
17.

#16 Nosaltres Catalans, de Fraga a Maó e de Salses a Guardamar (i a L'Alguer) no volem que lo catalan-valencian esdevingui coma l'occitan a Occitània, es a dir completament residual !

  • 0
  • 0
Andreu SERRADELL CADORS Garona Nauta Occitània
16.

#12 Ieu parli lo catalan-valencian e l'occitan mas m'estimi mei de me dire catalan pr'amor que es ma lenga pairala emai la lenga d'un pòble que luita.

  • 0
  • 0
Andreu SERRADELL CADORS Garona Nauta Occitània
15.

#11 la meva mare me parlava per desgracia lo francés, l'occitan, de mai lo furlan !

  • 0
  • 0
Andreu SERRADELL CADORS Garona Nauta Occitània
14.

#10 és tu l'inculte !
VISCA JAUME EL CONQUERIDOR
VISCA JOAN FUSTER
VISCA JOSEP GUIA

  • 0
  • 0

Escriu un comentari sus aqueste article