Bandièra01 capçalera  1180x150: Novestivada

Actualitats

Que farà Putin deman, durant la commemoracion del Jorn de la Victòria?

Una ipotetica declaracion oficiala de guèrra a Ucraïna mobilizariá tot lo país e saique estendriá lo conflicte dins d’autres païses

| EFE/EPA/Maxim Shipenkov

Tèxte legit

Deman, diluns 9 de mai, Russia celèbra la victòria sovietica sus l’Alemanha nazi de l’an 1945. Ongan, la commemoracion s’anóncia fòrça especiala pr’amor que s’espèra que Vladimir Putin i faga una proclamacion quina que siá, per exemple declarar oficialament la guèrra contra Ucraïna, qu’ara es oficialament presentada per eufemisme coma “una operacion especiala”. S’aquela declaracion de guèrra arriba, implicariá la mobilizacion de tot lo país e saique l’espandida del conflicte dins d’autres païses.
 
Dempuèi la desaparicion de l’Union Sovietica, lo 9 de mai es estat promogut coma una jornada de fiertat nacionala dins la quala totòm es d'acòrdi per celebrar la victòria de la Granda Guèrra patriotica. Dins aquesta fèsta del consens, se prevei que lo tradicional desfilat militar mòstre d'armas sofisticadas coma demostracion de fòrça e per refortir la propaganda, en evocant l’invencibilitat de Russia e tornant dire çò que se pretend per justificar la guèrra, valent a dire qu’en Ucraïna governarián de “neonazis”. Qualques unes preveson tanben qu’es possible que Putin proclame l’annexion de la dicha “nòva Russia”, çò es los territòris que van de Donbass a Odèssa.
 
 
La rumor que patiriá un càncer
 
Mentretant, segon d’informacions non confirmadas, Putin se preparariá per èsser operat d’un càncer e transfeririá temporàriament lo poder a Nikolai Patrushev, lo cap del conselh de la seguretat de la polícia federala russa. Per tant, los mèdias del Mond entièr seràn atentius a la cara del president rus per tal de poder verificar o pas aquelas informacions que las an difusadas de jornals coma New York Post e The Mirror, e que quitament ne fa resson La Dépêche.




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Delbòsc
3.

#2 Coma disam aièr, Potin es estat avertit discretament pels ambassaidors o autrament. Concretament, los americans li an dit que s'agravava sa pression sus l'Ucraïna en ajustant la tropa, l'OTAN o una partida de l'OTAN seriá obligada d'intervenir dirèctament. Perqué ? perqué tot simplament las opinions publicas occidentalas poirián pas endurar la desfaita dels ucraïneses.
Se tròba que l'armada russa progrèssa, cèrtas lentament, mes malurosament progrèssa. La conclusion es evidenta.

  • 2
  • 0
Delbòsc
2.

Non se sap çò que farà Potin. Sabèm que la Russia festarà la victòria del nazisme, puèi que l'a ressuscitat.
Sabèm pr'aquò que Potin es estat avertit sus çò que se poiriá passar s'espandís son operacion de banditisme.

  • 5
  • 0
pierre lachaud
1.

Avem de leiçons a balhar a Putin, quand sur nos monuments aux mòrts i a escrit " mòrt per la patria" tirat doas comunas ente i a un slogan que denonça la guerra?
Avem de leiçons a balhar a Putin quand França coloniset tota una partida dau monde, quand Sarkozy faguet bombardar la libia, quand l'OTAN bombardava en Bosnia?...
Los Estats-Unis an de las basas militarias dins de nombros pais alaidonc que Putin n'a mas doas basas dins lo pais pròche d'Afganistan.

  • 2
  • 5

Escriu un comentari sus aqueste article