Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Pau: an inaugurada la Ciutat, tot un quartièr de lenga occitana

Sièis grandas bastissas aculhisson d’entitats e d’activitats restacadas a la cultura bearnesa e a l’innovacion, ont l’usatge de l’occitan es priorizat

| La Ciutat

Tèxte legit

Un projècte unic pel desvolopament de l’occitan e la cultura del país s’inaugurèt dijòus passat a Pau. S’apèla la Ciutat e es una mena de quartièr de la cultura bearnesa, un grand espaci dobèrt environat de sièis grandas bastissas restauradas e modernizadas per aculhir d’entitats e d’activitats restacadas a la cultura e l’innovacion, ont l’usatge de l’occitan es priorizat.
 
Aital, en plen quartièr del Hedars, i trobam un cafè-librariá que pòrta lo nom de l’imne nacional occitan, “Aqueras Montanhas”, un restaurant, una mediatèca, un centre de cotrabalh e las sedenças del Congrès Permanent de la Lenga Occitana, de l’Institut Occitan de Cultura e d’Accents del Sud. Tanben Calandreta a son sèti dins una bastissa près d’aquela plaça.
 
Al total, dins aquel grop d’edificis s’i son installadas 35 entrepresas, associacions e grops culturals que partejaràn l’espaci public e organizaràn d'activitats ensems e de manièra permanenta, principalament en lenga occitana.
 
A l'inauguracion participèron divèrsas autoritats, dont lo cònsol màger de Pau, François Bayrou. Un sopar popular sus la plaça, de concèrts e de fuòcs d’artifici clavèron l’inauguracion de la Ciutat dins la vila occitana de Pau, la capitala de Bearn.



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Josi
8.

#7 Nani, en Bearn, que son los occitanistas qui estreman bearnistas e gasconistas, qu'ei triste mes atau qu'ei, tè!

  • 7
  • 2
Gasconha ei Occitània
7.

#1 Non ei pas l'occitanisme qui manca d'obertura. Qu'ei l'IBG qui practica la barradura.

  • 9
  • 5
Maria
6.

#5 Tant de bon alavetz, ne l'aví pas vist aqueth libe, mercés! que'm hè plaser de saber que i son, si i son...

  • 8
  • 0
ltrobat
5.

#1 Duas setmanas i a, qu'èi crompat un libe editat per l'IBG a la libraria de la Ciutat ("U souldat biarnés a la guèrre" deu Yulien de Caseboune).
Sia n'avetz pas tròp horucat per las tauletas de la libraria, sia n'i ètz pas annada.

Sinon que soi d'accòrd dab vos per çò qui ei deu sopar qui n'èra pas deus populars. 12 € per un troçòt de burger de pòrc dab shens nada auta alternativa de restauracion (un estanquet dab enterpans o un "foodtruck" com at disen en francés), n'ei pas çò qu'apèri un "sopar popular"

  • 12
  • 7
Portugaliza Pau
4.

Ua sala municipau privatizada, nat carrèra en occitan, los panèus toristics trilingues (francés, anglés e castelhan, mes pas en occitan), lo bus (aperat Febus) qu'ei curiosament sonque en francés, ostaus de peira destrusits, arbos copats pertot a Pau...
La politica linguistica e patrimoniau de Pau qu'ei un desastre.

  • 11
  • 0

Escriu un comentari sus aqueste article