Bandièra01 1180x150: País Invisible

Actualitats

Lo darrièr roman de Sèrgi Javaloyès porgís una reflexion sus la fòrça de vida

País d’Exilis prepausa una reflexion sus la vida a partir de l’istòria d’un director general fòrabandit del trabalh sens cap d’explica

| Sèrgi Javaloyès

Tèxte legit

Ven de paréisser País d’Exilis, lo darrièr roman de Sèrgi Javaloyès que nos prepausa, en gascon, una reflexion sus la vida a partir de l’istòria d’Andreu Serrat, lo director general d’una comunautat d’aglomeracion qu’es fòrabandit del trabalh sens cap d’explica.
 
Andreu torna pensar a sa vida abans d’èsser nomenat director. Capítol per capítol, lo relat nos permet de descobrir la complexitat del personatge, sustot cossí poirà afrontar l’abaissament, la despartida de sa maire, la depression que menaça. Tot comptat e rebatut, un roman que nos porgís una reflexion sus la fòrça de vida.

 
  
fffff fffff
 Un tròç deu roman :
 
(…) Que sabè, un còp de mei, qu’èra d’ara enlà recurrent, que s’ahonaré se ne comprenè pas la soa participacion a la soa des·hèita. Perqué avè acceptat lo bandiment dinc au cap ? Perqué s’èra carat ? Perqué s’avè estimat mei d’estar ua victima qu’un combatent qui’s rebèca davant l’ataca ? A totas aqueras questions, que trobè pòc a pòc las responsas. Çò dont èra convençut qu’ei qu’èra estat tad eth sonque un trebuc, embestiant se òm vòu, mes tot comptat e rebatut shens nada importància : la victima collaterau lèu desbrombada d’un eslejut de la Republica qui avè aprés, au somiu de l’Estat, lo cinisme d’un aute president
 
   





 
JAVALOYÈS, Sèrgi. País d’Exilis. Reclams, 2022. 110 paginas, 15 èuros.




  

 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

Un roman de Sèrgi Javaloyès qu'espalís es una bona novèla. Òsca ! Me triga de lo legir.

  • 5
  • 1

Escriu un comentari sus aqueste article