Bandièra01 capçalera  1180x150: Novestivada

Actualitats

Arabia Saudita: condemnada a 34 ans de preson per de publicacions sus Twitter

Es la pena pus longa jamai infligida a un militant pacific

| Democracy Now / The Guardian

Tèxte legit

An condemnat a 34 ans de preson una femna saudiana per aver un compte sus Twitter e aver seguit e refiulat de messatges de dissidents e d’activistas pels dreches de las femnas, çò rapòrta The Washington Post. Son nom es Salma Ash Shahab (sovent transcrich Salma Al-Shehab), a dos enfants, es igienista dentària, estudianta en doctorat a l’Universitat de Leeds e professora a l’Universitat femenina saudiana Princessa Nura Bin Abd Al Rahman. En 2020, rintrèt en Arabia Saudita per i passar las vacanças e per tal de menar puèi son marit e sos enfants al Reialme Unit amb ela. Mas l’arrestèron e la jutgèron.
 
La senténcia l’a dicha un tribunal especial de terrorisme. Dins un primièr moment, la condemnèron a 3 ans de preson per “aver provocat de susmautas publicas e destabilitzat la seguretat civila e nacionala” per mejan dels rets socials, mas puèi, la cort d’apelacion alonguèt la pena fins a 34 ans de preson après que lo procuraire aguèt demandat que los jutges considerèsson d’autres delictes presumits. De fach, la pena contra Salma Ash Shahab a pas de precedent.
 
 
Vesita polemica de Joe Biden
 
La senténcia s’es dicha qualques setmanas après la polemica de la vesita oficiala del president estatsunidenc, Joe Biden, en Arabia Saudita. D’activistas pels dreches umans avián alavetz avertit qu’aquela vesita poiriá incitar lo reialme arabi a intensificar sa repression contra los dissidents.
 
Lo quotidian estatsunidenc The Washington Post ditz dins un editorial sus aqueste afar que “la brutalitat saudiana demòstra que las promessas de Muhammad Bin Salman a Biden èran una farça”.

 
   


 
abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article