Bandièra01 capçalera  1180x150: Novestivada

Actualitats

En Russia se comença de criticar Putin

Lo reüssit avançament de l’armada ucraïnesa a fach que, pel primièr còp, d’analistas meton en question l’estrategia militara russa

Tèxte legit

La contraofensiva ucraïnesa dins las regions de Kharkiv e Kherson a fach trantalhar l’escaquièr de la guèrra en Ucraïna. Delà las victòrias militaras ucraïnesas sus l’armada russa, que s’es deguda replegar, l’avançada ucraïnesa a tanben portat una situacion inedita: de personalitats russas de primièr reng an criticat dobèrtament l’estrategia militara del Kremlin.
 
Un dels primièrs a trencar lo silenci es un dels aliats mai estreches de Vladimir Putin, lo president de la Republica de Chechenia, Ramzan Kadirov. “Se uèi o deman i a pas cap de cambiament dins l’estrategia, serai obligat de parlar amb la direccion del Ministèri de la Defensa e del país per lor explicar la situacion reala sul terren”, çò a dich dins son canal de Telegram. Tanben precisa que sas criticas son adreiçadas al comandament militar mas en cap de cas a Putin.
 
Kadirov, que govèrna Chechenia amb una man de fèrre jos l'aprobacion del Kremlin, a noirit l’armada russa amb de milièrs d’òmes que son estats acusats de tota sòrta d’atrocitats, dont lo masèl de Bucha.
 
 
“Putin malmena l’avenir de Russia”
 
Los qu’an criticat dirèctament Putin son una ochantena de conselhièrs municipals de 18 districtes de Moscòu, Sant Petersborg e Kolpina, qu’an signat una letra dobèrta que ne demanda la demission. “Nosautres, los conselhièrs municipals de Russia, cresèm que las accions del president Vladimir Putin malmenan l’avenir de Russia e de sos ciutadans”, çò ditz lo tèxt.
 
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article